2 SAMUEL 15:30 - BIBEL JAMITA NA DENGGAN

³⁰ Dung salpu i, dibuka si Daud ma sipatunia. Manangkok ma ia dohot halahi sude lalu tangis di Dolok Zetun, jana martujung-tujung ulu ni halahi tanda ni arsak ni roha.

2 SAMUEL 15:30 ပူးပေါင်းရင်းမြစ်များ

2 SAMUEL 15:29

Dung i dioban si Zadok dohot si Abyatar ma Poti Parjanjian i mulak tu Jerusalem jana tinggal disi ma halahi.

2 SAMUEL 19:4

Digupgupi raja i ma bohina jana mangangguk mangandungi, “O anakki! Anakku si Absalom! Si Absalom anakki!”

2 SAMUEL 19:5

Kehe ma si Joab mangadop tu raja i jana didok ia ma, “Sadari on dipaila raja i do parangan ni raja i – halahi do paluahon hosa ni raja i, hosa ni sude anak, hosa ni boru, ripe dohot rading ni raja i.

ESTER 6:12

Dung i mulak ma si Mordehai tu pintu horbangan ni bagas godang i. Tapi anggo si Haman diompoti ia noma mulak. Nada ringkot rohania diida halak hara ni santakna ila ni rohania, jadi gabe ditutupi ia ma bohinia i.

MASMUR 42:3

Arian na borngin sai tangis do au, hum ilu-ilu noma balanjongku. Ari-arion do sai sapa-sapa musungku, “Di dia ma he Debatamu?”

MASMUR 43:5

Biasi marsak jana susa ho rohangku? Mararop ni roha tu Debata noma au jana mandok tarimakasi tuSia, tu Debatangku jana Sipalua di au.

JEHESKIEL 24:17

Ulang jabat tarbege partangismu. Ulang be mardalan na so mamake tutup ni ulu sanga na so marlapik patmu, songon halak na di bagasan siluluton. Ulang tutupi muse bohimu jana ulang pangan roti siluluton.”

JEHESKIEL 24:23

Nada mardalan hamu na so mamake tutup ni ulu sanga tapak-tapak ni pat, nada mangandung sanga tangis. Mur markancit ma hamu patunda ni angka dosamunu i; humolos be ma hamu na sada tu na asing.

ZAKARIA 14:4

Jongjong ma Ia di ari i di Dolok Zetun, sabola Habincaran ni Jerusalem. Jadi gabe mabola ma Dolok Zetun i mamungka sian Habincaran lalu tu Hasundutan baenon ni holbung na bidang. Manggulot sabola Utara ma satonga sian dolok i, jana satonga nari tu Selatan.

MATEUS 5:4

Martua ma halak na marsak roha; angke na giot apoan do roha ni halahi.

LUKAS 19:29

Dung marayak Betpage dohot Betania na di Dolok Zetun, disuru Ia ma parjolo dua halak siseanNia.

LUKAS 19:37

Jadi dung marayak lalu Jesus tu Jerusalem, di panuatan na di Dolok Zetun, marsurahi ma halak na bahat angka na mangihutkon Jesus mamuji-muji Debata dohot sora na gogo, hara ni sude hahomangon na niida ni halahi.

LUKAS 19:41

Dung mur donok Jesus tu Jerusalem, diligi Ia ma kota i, tangis ma Ia marnidasa.

LUKAS 21:37

Di Bagas Ni Debata do Jesus arian i mangajari tapi dung borngin kehe ma Ia tu Dolok Zetun jana disi do Ia marborngin.

LUKAS 22:39

Dung i kehe ma Jesus ruar sian kota i songon na somal tu Dolok Zetun, jana dohot do angka siseanNia i kehe rap dohot Ia.

BAENON NI ANGKA RASUL 1:12

Dung i mulak ma angka rasul i tu Jerusalem sian Dolok Zetun. Na donok do dolok i tu Jerusalem, hira-hira sakilometer daona.

SURAT NI SI PAULUS TU PARLAGUTAN ROM 12:15

Marjop ni roha ma hamu dohot angka na marjop ni roha, jana tangis ma hamu dohot angka na tangis.

1 KORINTUS 12:26

Muda markancit sabagian, gabe markancit muse do sude angka bagian na asing; muda dapotan pujian sabagian sude angka bagian na asing i dohot do marjop ni roha.