2 SAMUEL 15:26 - BIBEL JAMITA NA DENGGAN

²⁶ Tapi anggo na so lomo be antong roha ni Tuhan i tu au, marguru di hagiotNia ma di au.”

2 SAMUEL 15:26 ပူးပေါင်းရင်းမြစ်များ

2 SAMUEL 10:12

Papir ma rohamu! Dison ma tapatuduhon habaranion manghopkop bangsonta dohot manghopkop angka kota ni Debatanta. Sai dipatulus Tuhan ma sanga aha giot ni rohaNia.”

2 SAMUEL 11:27

Tapi dung abis ari-ari marsiluluton i, disuru alap si Daud ma anakboru i tu bagas godang jana gabe dadaborunia. Nada sadia honok, sorang ma sada anaknia. Tapi nada jop roha ni Tuhan di pangalaho ni si Daud i.

2 SAMUEL 19:28

Na patut do nian mate hona uhum baenon ni raja i sude koum sisolkot ni damang, tapi anggo au madung diisinkon raja i dohot mangan di bagas godang. Anggo saonnari nada puluk be au mangido bagi aha sian raja i.”

2 SAMUEL 22:20

Ditolong Ia au haruar sian mara dibaen tu au naposoNa, holong ni rohaNia.

1 RAJA-RAJA 10:9

Sipujion do Tuhan, Debatamu! Diangkat Ia antong tuan i gabe raja ni Israel, i ma tandana na jop roha ni Tuhan maradopkon tuan i. Nada marnamantak Ia mangkaholongi Israel, hara ni i ma umbaen na diangkat Ia tuan i gabe raja ni halahi, anso laing tarpatulus tuan i manjongjongkon tona dohot hatigoran.”

1 JUJUR TAON 21:7

Nada sonang roha ni Debata di sensus i jana diuhum Ia ma halak Israel.

2 JUJUR TAON 9:8

Nipuji ma Tuhan, Debata ni tuan i! Di na niangkatNa tuan i gabe raja ni Israel, na patuduhon sanga songon dia sonang ni roha ni Tuhan i tu tuan i. Nada marnamantak Ia antong manghaholongi bangso Israel; i do umbaen na niangkatNia tuan i gabe raja ni halahi, anso tarhajongjongkon tuan i uhum dohot hatigoran.”

MASMUR 39:9

Hohom noma au, nada be dokkononku bagi aha, angke Ho na mambahen sitaononki.

JESAYA 42:1

“Ligi, indu do naposongKu na Hutiop, naposo todoan ni rohangKu, lomo do rohangKu disia. Madung Hulehen kuasongKu tusia, laho maroban hatigoran tu angka bangso sudena.

JESAYA 62:4

Goarmu nada be, ‘Na Nitadingkon’, tanomu nada be, ‘Na Lungun-lungunan’. Goaron ma ho, ‘Hasian Ni Debata’, jana tanomi goaran, ‘Na Dung Marbagas’. Dibaen sonang do roha ni Tuhan mida ho, songon halaklahimu do Ia tu ho.

JEREMIA 22:28

“Adong he na dung gabe songon hudon tano na matapor do Raja Joyakin, na niambungkon jana na so tarpake be? Hara ni i dehe umbaen na dipaorot jana dibuang ia dohot dakdanaknia tu luat na so nitanda ni halahi?”

JEREMIA 32:41

Sonang ma rohangKu mambaen na denggan tu halahi jana baenonKu halahi hot di luat on sapanjangna.

BILANGAN 14:8

Muda ra Tuhan i, obanonNia ma hita tusi laho mangalehen tano na mora jana na napu i di hita.

MATEUS 1:10

si Manase, si Amon, si Josia,

JOSUA 9:25

Saonnari di bagasan kuasomunu noma hami. Dibaen tuan i ma sanga aha na denggan mangihutkon roha ni tuan i.”

HAKIM-HAKIM 10:15

Tapi didok halak Israel i ma tu Tuhan, “Madung mardosa hami da Tuhan. Baen ma roha-rohaMu, asal ma diurupi Ho hami di ari on.”

1 SAMUEL 3:18

Jadi dicaritohon si Samuel ma sudena tu si Eli. Sada pe nada adong na nirahasiahonnia. Dung i didok si Eli ma, “Tuhan do Ia, padiar ma dipatulus Ia sanga na aha giot ni rohaNia.”