2 SAMUEL 15:25 - BIBEL JAMITA NA DENGGAN

²⁵ Dung i didok raja i ma tu si Zadok, “Paulak ma mangulahi Poti Parjanjian i tu kota i. Muda na lomo do roha ni Tuhan tu au, paloasonNia do au mulak marnida Poti Parjanjian i dohot inganan parmiananNia i mangulahi.

2 SAMUEL 15:25 ပူးပေါင်းရင်းမြစ်များ

2 SAMUEL 6:17

Dioban ma Poti Parjanjian i masuk jana dipayakkon ma di ingananna di bagasan bandar na dung dipajongjong si Daud inganan ni Poti i. Dung i dihaulkon si Daud ma tu Tuhan haul na nitutung dohot haul haluaan.

2 SAMUEL 7:2

Jadi didok ia ma tu Panurirang Natan, “Ligi ma, anggo au maringanan di bagas godang na sian hayu sampinur Libanon do, hape Poti Parjanjian ni Debata disimpan hum di bagasan bandar sajo do!”

MASMUR 122:1

Jop do rohangku muda didokkon halak tu au, “Beta hita tu Bagas Ni Tuhan!”

MASMUR 122:9

Hara ni Bagas Ni Tuhan Debatanta, hutangianghon do anso martua ho nian.

MASMUR 26:8

Huhaholongi do bagasMu ale Tuhan, inganan parmiananMu na gok hasonangan.

MASMUR 84:10

Dumenggan do sadari di BagasMu, ulang pado saribu ari di inganan na asing. Dumenggan do jongjong di horbangan ni Bagas Ni Debatangku, ulang pado tinggal di bagas ni halak na jahat.

HARURUAR 15:13

Setia do Ho tu janjiMu manogu bangso na dung nipaluaMu, diiring Ho do halahi tu tanoMu na badia marhite hagogoonMu.

HARURUAR 33:12

Jadi didok si Musa ma sanoli tu Tuhan, “Tutu do disuru Tuhan au maroban bangso on tu tano na nijanjihonMi, tapi nanggo adong dipaboa Ho tu au sanga ise sisuruonMu mandongani au. Tapi haru songon i pe laing didok Ho do, na nitandaMu goarku jana lomo rohaMu di au.

HARURUAR 33:13

Antong paboa ma sugari sangkapMu tu au, anso taroloi au Ho jana anso sai tongtong lomo rohaMu mida au. Laing ingot ma, Ho muse do mamili bangso on anso Ho nampunasa.”

JESAYA 38:22

Dompak i didok si Hiskia ma: “Aha ma he na gabe tanda, bahaso na giot kehe au tu Bagas Ni Tuhan?”

JEREMIA 25:30

“Sude na Hupardokkoni i tu ho ale Jeremia, angkon palaluonmu do i. Dokkon tu halahi: ‘Mangaronggur do sora ni Tuhan sian banua ginjang; matuoror do Ia tu bangsoNia na mangalo i. Dibege halak na satano on do Ia manyonggak songon parkarejo na mamoro anggur di pangilangan.

JEREMIA 7:4

Ulang haporsayai hamu hata gabus na mandok, ‘On ma Bagas Ni Tuhan, Bagas Ni Tuhan, Bagas Ni Tuhan.’