2 SAMUEL 15:24 - BIBEL JAMITA NA DENGGAN

²⁴ Laing dohot do disi Malim Zadok dohot Malim Abyatar maradu sude halak Levi na maroban Poti Parjanjian ni Tuhan i. Dipayakkon ma Poti Parjanjian i jana nada diangkat dope painte so sude rayat i manadingkon kota i.

2 SAMUEL 15:24 ပူးပေါင်းရင်းမြစ်များ

2 SAMUEL 15:27

Dung i didok raja i muse ma tu si Zadok, “Piohon ma si Ahimaas anakmi dohot si Jonatan anak ni si Abyatar i jana mulak ma hamu sonang tu kota.

2 SAMUEL 15:35

Si Zadok pe dohot si Abyatar laing disi do. Paboa ma tu halahi sandok na nibegemu di bagas godang.

2 SAMUEL 20:25

Sekretaris ni harajaan: Si Seya. Malim: Si Zadok dohot si Abyatar.

2 SAMUEL 6:13

Jadi dung mangalangka angka jolma na maroban Poti Parjanjian i onom langka, disuru si Daud ma halahi maradian. Dung i dihaulkon ia ma tu Tuhan haul lombu jantan dohot anak ni lombu na dipamokmok.

2 SAMUEL 8:17

si Zadok anak ni si Ahitub dohot si Abyatar anak ni si Ahimelek, i ma na gabe malim; si Seraya i ma jurutulis ni bagas godang;

1 RAJA-RAJA 1:8

Tapi anggo Malim Zadok, si Benaya anak ni si Joyada, Panurirang Natan, si Simei, si Rei bope pangawal ni Raja Daud nada ra manyabola tu si Adonia.

1 RAJA-RAJA 2:26

Dung i didokkon Raja Salomo ma tu Malim Abyatar, “Kehe ma ho mulak tu hutamu tu Anatot. Patut mate uhumon do ho nian, tapi anggo sadari on nada hubunu ho, angke di hatiha rap dope dohot damang, dohot do ho manaon parkancitannia. Jana ho muse do na pauli-uli Poti Parjanjian ni Tuhan i.”

1 RAJA-RAJA 2:35

Dung i diangkat raja i ma si Benaya gabe panglima ni pasukan na marsinjata manggonti si Joab, jana si Zadok pe diangkat ma gabe malim manggonti si Abyatar.

1 JUJUR TAON 15:2

Dung i didok si Daud ma, “Hum halak Levi sajo do na tola mangangkat Poti Parjanjian ni Tuhan, harana halahi do na nitodo ni Tuhan laho mamorsan Poti i dohot na mangoloi Ia salolot-lolotna.”

JEHESKIEL 48:11

Angka malim sian pomparan ni si Zadok ma nampuna tano na marhapunjungan i. Na dung burju do halahi mangoloi Tuhan jana nada songon halak Levi dongan samarga ni halahi i na dohot mambaen dosa rap dohot angka halak Israel na asing i.

BILANGAN 4:15

Muda dapot hatiha mambuka parbandaran i horong ni Marga Kehat angkon ro be ma mamorsan barang-barang na badia i, tapi angkon dung sidung pe ditutupi si Harun dohot angka anaknia barang-barang bope parkokasna i. Angke halak sian Marga Kehat, nada tola dais tu barang-barang na badia i, muda dais halahi angkon mate halahi. Songon i ma karejo ni Marga Kehat muda giot paimbaron ma Bandar Parmianan.

BILANGAN 7:9

Tapi anggo anak ni si Kehat, nada adong dijagit halahi padati dohot lombu sian si Musa, angke sude barang-barang na badia siuruson ni halahi, angkon porsanon ni halahi di abara ni halahi.

JOSUA 3:3

jana didok halahi ma tu halak Israel, “Muda diida hamu angka malim mamorsan Poti Parjanjian ni Tuhan Debatamunu i, hamu pe antong markobas ma manadingkon ingananmunu be laho mangihutkon halahi.

JOSUA 3:6

Jadi diparentahon si Josua ma angka malim mangangkat Poti Parjanjian i lalu kehe ma halahi manjoloi rayat i. Dibaen halahi muse ma na niparentahon ni si Josua i.

JOSUA 6:4

Pitu halak malim na maroban sada be sarune, angkon mardalan di jolo ni Poti Parjanjian i. Di ari papituhon angkon hulianganmu dohot paranganmu kota i pitu noli jana ombuson ni angka malim ma sarunena i.

JOSUA 6:6

Jadi dipiohon si Josua ma angka malim jana didok ia ma, “Buat hamu ma Poti Parjanjian i, angkon mardalan di jolo ni Poti Parjanjian i pitu halak sian hamu na mamalu sarune.”

1 SAMUEL 22:20

Hum sasada si Abyatar, sada sian angka anak ni si Ahimelek sajo na malua. Kehe ia maporus tu si Daud,

1 SAMUEL 4:11

Dirampas musu i dope Poti Parjanjian ni Tuhan, jana anak ni si Eli na dua i, si Hofni dohot si Pinehas pe mate.