2 SAMUEL 15:2 - BIBEL JAMITA NA DENGGAN

² Ganop ari disi ngot manyogot jongjong ma si Absalom di topi dalan na di lambung ni pintu horbangan ni bagas godang i. Sandok halak na giot mangaduhon parkaro tu raja i, dipio si Absalom jolo jana disapai ia, “Sian marga dia do ho?” Jana muda dialusi halakna i, ‘Sian marga on sanga marga i,’

2 SAMUEL 15:2 ပူးပေါင်းရင်းမြစ်များ

PAMUNGKAAN 34:20

Dung i kehe ma si Hemor dohot si Sikem tu inganan parrapotan di horbangan ni kota i, jana mandok hata ma halahi tu halak kota i songon on,

2 SAMUEL 19:8

Dung i jongjong ma raja i jana haruar, lalu juguk di lambung ni pintu horbangan i. Tarbege ma tu angka parangannia na disi ia, dung i marroan ma halahi sude mangadop. Jadi anggo tentara ni Israel madung maporus jana marmulahan tu bagasna be.

2 JUJUR TAON 10:7

Dialusi halahi ma, “Muda dibaen raja i na denggan tu angka halak i jana diusahahon raja i antong pajopkon roha ni halahi marhite na mangalehen alus na denggan, tontu setia do halahi tu raja i salolot-lolotna.”

JOB 24:14

Andos torang dope ngot ma sibunu jolma sian podomanna, lalu kehe ma ia mamunu halak na so mardiha-diha, jana dompak so torang dope ari, monjap-onjap ma ia sai songon panangko.

HARURUAR 18:14

Dung diida si Jetro sudena sikarejohonon ni si Musa di tonga-tonga ni bangso i, disapai ia ma, “Angka aha dehe lakna na angkon sikarejohononmu di bangso on? Angkon sada ho sajo dehe lakna mangkarejohon i sudena, jabat do angkon jongjong dison sian manyogot lalu tu borngin sanga ise na giot mangido sipaingot sian ho.”

HARURUAR 18:16

Muda adong hagaoran di halahi, mangadop ma i tu au anso huputuskon sanga ise na tigor, jana hupaboa ma tu halahi angka parenta dohot aturan-aturan ni Debata.”

HARURUAR 18:26

Gabe hakim ma halahi di bangso i lopus tu ujung ni ngolu ni halahi. Angka parkaro-parkaro na penting, tu si Musa ma dipasahat halahi, tapi anggo angka soal na menek-menek do, laing halahi noma pasidungkonsa.

PODA 4:16

Nada tarpodom halak na jahat anggo so jolo mambaen na so ture. Nada ra halahi mondohondok anggo so jolo mangago halak na asing.

DANIEL 11:21

Didok surusuruan i muse ma tu au, “Raja na mangihut mamarenta di Siria i ma sada halak na jahat na so patut gabe raja. Tapi ro do ia sian na so pamotoan jana dirampas ia ma harajaan sian raja i marhite sipaoto-oto.

MATEUS 27:1

Dung torang arina i martahi ma sude angka Sintua Ni Malim dohot angka hatobangon ni halak Jahudi manontuhon sanga na bia baenon ni halahi mamunu Jesus.

PANGARATAION 17:8

Betak sai adong parkaro na so tarputuskon angka hakim di sada inganan hara ni na mamaoltu, umpamana taringot tu hak parnampunaon, na marsibugangan pamatang, sanga parkaro na marsibunuan na sangajo sanga na so sangajo, di na songon i angkon kehe do hamu tu inganan paribadatan na nitontuhon ni Tuhan Debatamunu i.

RUT 4:1

Jadi kehe ma si Boas tu inganan parsuo-suoan di pintu horbangan ni kota i. Dung juguk ia disi, mamolus ma bayo na nidok ni si Boas kahanggi ni si Elimelek na sumolkot. Jadi dipio si Boas ma ia, “Ro jolo tuson kahanggingku, juguk dison!” Ro ma bayo i lalu juguk.