2 SAMUEL 15:18 - BIBEL JAMITA NA DENGGAN

¹⁸ Jongjong ma sude pagawe ni raja i di lambungnia di na mamolus angka tentara pangawal ni raja i marbaris. Songon i muse tentara sionom ratus halak (halak Kreti dohot halak Pleti) na mangihutkon ia sian Gat, laing marbaris ma di jolonia.

2 SAMUEL 15:18 ပူးပေါင်းရင်းမြစ်များ

2 SAMUEL 15:17

Di na mardalan raja i dohot sude na mandongani ia manadingkon kota i, maradian ma halahi di lambung ni bagas na parpudi.

2 SAMUEL 18:2

Dung i dipakehe ia ma halahi marporang di bagasan tolu rombongan; sarombongan be ma dipimpin si Joab, si Abisai anggi ni si Joab i dohot si Itai na sian Gat. Didok raja i ma tu tentarania i, “Au pe laing dohot do kehe rap dohot hamu.”

2 SAMUEL 20:23

Angka on ma parpangkat na gincat na niangkat ni si Daud: Panglima ni sude tentara ni Israel: Si Joab. Kepala ni tentara pengawal ni si Daud (halak Kreti dohot Pleti): Si Benaya anak ni si Joyada.

2 SAMUEL 20:7

Jadi si Abisai ma mamimpin pasukan ni si Joab dohot tentara pangawal ni raja i maradu sude tentara na deba nari, kehe ma halahi sian Jerusalem laho mangkojar si Seba.

2 SAMUEL 6:10

Jadi gabe diputuskon noma na so obanon be Poti i tu Jerusalem, tapi dipasimpan noma di bagas ni si Obed-Edom, halak na lolot maringanan di kota Gat.

2 SAMUEL 8:18

si Benaya anak ni si Joyada; i ma panglima pangawal ni raja; dohot angka anak ni si Daud, i ma gabe malim di bagas godang.

1 RAJA-RAJA 1:38

Dung i dipajuguk si Zadok, si Natan, si Benaya dohot sude pangawal ni raja i ma si Salomo tu halode ni raja i lalu ditogu halahi tu mual ni Batang aek Gihon.

1 SAMUEL 23:13

Jadi manigor morot ma si Daud dohot parangan i hira-hira onom ratus halak sian Kehila jana mimbarimbar ma halahi sian inganan na sada tu inganan na asing. Dung dibege si Saul na dung luncat si Daud sian Kehila, disundati ia ma maksudnia laho mamorangi si Daud.

1 SAMUEL 25:13

“Alitkon hamu ma podangmunu!” ning si Daud mamarenta jana marsibaen ma songon i. Si Daud pe dialitkon ia ma podangnia jana kehe ma ia dohot halahi hira-hira opat ratus halak bahatna, tapi anggo na dua ratus nari tinggal ma manjago barang-barang.

1 SAMUEL 27:3

Jadi hot ma ia rap dohot parangannia i tinggal di Gat, rap dohot ripe ni halahi be. Dioban si Daud do dadaborunia na dua i, i ma si Ahinoam na sian Jisreel dohot si Abigail tading-tadingan ni si Nabal na sian Karmel.

1 SAMUEL 27:4

Dung dibege si Saul na maporus si Daud tu Gat, nada pola be diusahahon ia manangkupsa.

1 SAMUEL 30:1

Dung dua ari, mulak ma si Daud dohot parangannia i tu Ziklag. Dung lalu disi, didapot halahi ma na dung mangaroro halak Amalek tu Juda Selatan dohot mamorangi Ziklag.

1 SAMUEL 30:14

Na kehe do hami mamorangi Luat Kreti na di Selatan ni Juda dohot Marga Kaleb, jana hami surbu do Ziklag.”

1 SAMUEL 30:9

Jadi kehe ma si Daud dohot parangannia sionom ratus halak i. Di na lalu halahi tu Batang aek Besor, tinggal ma deba sian halahi disi.