2 SAMUEL 15:14 - BIBEL JAMITA NA DENGGAN

¹⁴ Dung i didok si Daud ma tu sude naposonia na adong di Jerusalem, “Beta mangungsi hita. Sada on noma dalan anso malua hita sian si Absalom. Ro ne ma ia. Ompoti be ma anso ulang sanga dapot ia hita, jana ditaluhon dohot podang, gabe hona bunu lalu sude halak kota on!”

2 SAMUEL 15:14 ပူးပေါင်းရင်းမြစ်များ

2 SAMUEL 12:11

Husumpahon ma angkon paroonKu sori mago tu ho na ro sian tonga-tonga ni pangisi ni bagasmu sandiri. BuatonKu ma angka dadaborumu di jolo ni matamu jana lehenonKu ma i tu halak na asing na mangangkupi halahi modom di arian raya.

2 SAMUEL 15:15

“Denggan rajanami,” ning halahi mangalusi, “Rade do hami patuluskon sanga aha pe giot ni raja i.”

2 SAMUEL 19:10

Tamiahi si Absalom gabe raja, hape ma mate ia di parporangan. Biasi nada adong hum sahalak pe na marusaho maroban mulak Raja Daud?”

2 SAMUEL 19:9

Masa ma parsalisian di tonga-tonga ni sude marga ni Israel. Didok halahi, “Raja Daud do na palua hita sian halak Pilistin dohot na paluahon hita sian angka musu na asing, hape saonnari maporus do ia sian si Absalom jana ditadingkon luat on.

MASMUR 51:18

Ale Debata, patuduhon ma denggan ni rohaMu tu Sion, pajongjong ma mangulahi angka tembok ni Jerusalem.

JEHESKIEL 46:18

Saotik pe nada tola buaton ni parkuaso i anggo sian arta pusako ni rayatna i. Hum tanonia sandiri do na tola lehenonnia tu angka anaknia, anso ulang adong sahalak pe sian bangsongKi na disirang sian sinadonganna.”

MATEUS 11:12

Sian na mamungka si Johannes marjamita lalu tu sadari on, matua dialo halak do Harajaan Ni Banua Ginjang i jana giot manggomgomisa.

LUKAS 10:15

Dohot Kapernaum! Ning rohamu paginjangon ma ho lakna lalu tu banua ginjang? Nada! Ambungkonon noma ho tu banua toru!”