2 SAMUEL 15:12 - BIBEL JAMITA NA DENGGAN

¹² Jadi dompak na manghaulkon haul si Absalom, laing disuru ia muse ma utusan tu kota Gilo laho marpio si Ahitofel, i ma sada sian panuturi ni Raja Daud. Jadi songon i ma antong mur margogo parkumpulan laho mangalo raja i jana mur mabahat ma angka na mangihut tu si Absalom.

2 SAMUEL 15:12 ပူးပေါင်းရင်းမြစ်များ

2 SAMUEL 15:31

Di na dipaboa tu si Daud na dohot muse si Ahitofel rap dohot si Absalom, martangiang ma si Daud, songon on, “O ale Tuhan, sugari disundati Ho ma nian sipaingot ni si Ahitofel!”

2 SAMUEL 16:15

Jadi di hatiha i ma si Absalom dohot sude halak Israel na mangihutkon ia masuk tu Jerusalem, jana dohot do si Ahitofel.

2 SAMUEL 17:14

Umbege i didok si Absalom dohot halak Israel i ma sude, “Dumenggan do na nidok ni si Husai on sian sipaingot ni si Ahitofel i.” Tutu ma antong na dung diputuskon Tuhan laho manyundati sipaingot ni si Ahitofel na denggan i, anso marmara si Absalom.

2 SAMUEL 17:23

Dung diida si Ahitofel na so diihutkon hatania i, dipasang ia ma palano ni halodenia, lalu mulak ma ia tu kotania sandiri. Dung dipasidung ia sude urusannia, manyingkot ma ia lalu ditanom di kuburan ni halahi sahorong.

2 SAMUEL 23:34

Si Elifelet anak ni si Ahasbai halak Maaka; si Eliam anak ni si Ahitofel halak Gilo.

1 RAJA-RAJA 21:12

Dibaen halahi ma boa-boa anso puaso rayat i. Dung i dipiohon halahi ma angka jolma i marlagut jana dibaen ma juguhan ni si Nabot di juluan.

1 RAJA-RAJA 21:9

Songon on ma isi ni surat i, “Baen hamu ma boa-boa anso marpuaso rayat jana piohon hamu ma halahi anso marlagut; di parpunguan i lehen hamu ma juguhan ni si Nabot di juluan.

1 JUJUR TAON 27:33

Si Ahitofel pe panuturi ni raja do i jana si Husai halak Arki i, ale-ale ni raja i.

MASMUR 41:10

Ibo rohaMu di au, ale Tuhan, pamalum ma au, anso tarbaloskon au jolo hajahatan ni angka alongku.

MASMUR 41:9

Salang ale-aleniba na umdonok pe antong, halak na mangan rap dohot iba, madung mangalo tu iba.

PODA 15:8

Sonang do roha ni Tuhan muda denggan halak martangiang, tapi anggo haul ni halak na jahat ditulak Ia.

PODA 21:27

Nada jop roha ni Tuhan tu haul ni jolma na so hasaya, lumobi muda na dihaulkon mardongan maksud na targora.

JEREMIA 6:20

Aha ma guna ni hamonyan na dioban ni halahi di Au sian Seba, sanga parmasak na sian luat na dao i? Nada ringkot rohangKu manjagit haul ni halahi i; nada giot Au angka haul na nitutung ni halahi.

BILANGAN 23:1

Didok si Bileam ma tu si Balak, “Pajongjong ma di inganan on pitu langgatan di au jana oban ma tuson pitu lombu jantan dohot pitu biri-biri jantan.”

BILANGAN 23:14

Jadi dioban si Balak ma si Bileam tu Zopim, di puncut ni Dolok Pisga. Disi pe dipajongjong ia muse pitu langgatan jana dihaulkon ia sada lombu jantan, sada biri-biri jantan di ganop langgatan i.

BILANGAN 23:30

Dipatulus si Balak ma sude na nidok ni si Bileam i. Dihaulkon ia ma sada lombu jantan dohot sada biri-biri jantan di ganop langgatan i.

JOHANNES 13:18

“Nada tu hamu sudena na Hudokkon on. Huboto do sanga ise na dung Hupili. Tapi angkon laing tarjadi do sanga aha na tarsurat di Buku Na Badia i; songon on do tarsurat disi, ‘Sanga ise na mangan rap dohot Au, i ma ibana na giot mangalo Au.’

TITUS 1:16

Pandok ni halahi, ditanda halahi do Debata, hape anggo sian parange ni halahi nada tarida na songon i. Jahat do roha ni halahi jana nada marpangoloion. Sada pe nada adong tarpatupa halahi na denggan.