2 SAMUEL 15:1 - BIBEL JAMITA NA DENGGAN

¹ Dung i diparade si Absalom ma disia sandiri kareta dohot kudo rap dohot lima pulu halak pandonganinia.

2 SAMUEL 15:1 ပူးပေါင်းရင်းမြစ်များ

2 SAMUEL 12:11

Husumpahon ma angkon paroonKu sori mago tu ho na ro sian tonga-tonga ni pangisi ni bagasmu sandiri. BuatonKu ma angka dadaborumu di jolo ni matamu jana lehenonKu ma i tu halak na asing na mangangkupi halahi modom di arian raya.

1 RAJA-RAJA 1:33

didokkon raja i ma tu halahi, “Pio ma sude angka naposo ni tuanmunu on, kehe ma hamu rap dohot halahi pajuguk si Salomo anakki tu ginjang ni halodengku sandiri, dung i oban ma ia tu mual ni Batang aek Gihon.

1 RAJA-RAJA 1:5

Hara ni na dung mate si Absalom, sian sude anak ni si Daud si Adonia noma na tumobang. Inangnia margoar si Hagit. Tongam do idaon rupana. Nada jungada digorahon amangnia i ia haru tarsung pe ia sala. Hara ni por ni rohania gabe raja, dipasingkop si Adonia ma disia kareta porang dohot tentara na markudo dung i muse lima pulu halak pangawal.

MASMUR 20:7

Adong do halak na mangasahon kareta porangna, adong muse na mangasahon kudona. Tapi nada songon i anggo hita; hita marsitiopan tu kuaso ni Tuhan, Debatanta.

PODA 11:2

Halak na bulbul, hona layas do i sanoli on; tapi jumpang do habisuhon di halak na toruk marroha.

PODA 16:18

Ginjang ni roha mambaen hasegoan; bulbul mambaen hasarsaran.

PODA 17:19

Halak na sai tagi martongkar hamaolon do na nihagiotanna. Halak siruak baba do na olo patida-tidahon, hagaoran dijalahisa.

PANGARATAION 17:16

Muda raja, nada tola bahat kudona baen di tentarana. Nada tola suruonnia halak tu Mesir laho manobusi kudo, dibaen madung didok Tuhan do na so tola be mulak bangsoNia i tu luat i.

1 SAMUEL 8:11

“Songon on ma baenon ni rajamunu i tu hamu,” songon i ma dipatorang si Samuel, “Paksaonna ma angka dakdanakmunu masuk tentara; deba ma i gabe parangan na markareta, deba gabe parangan na markudo, jana na asing i gabe parangan na mardalan pat.