2 SAMUEL 14:7 - BIBEL JAMITA NA DENGGAN

⁷ Jana saonnari gabe sude ma koum sisolkotku mangalo au jana marsituntut anso hupasahat anakki tu halahi anso bolas matehonon ni halahi, hara ni na dung dibunu ia angginia i. Muda baenon ni halahi ma songon i, gabe mamunjung noma sasada au, so adong be sada anak pe. Soadahonon ni halahi ma arop ni rohangku na sasada i jana nada adong be anak halaklahi na tinggal di halaklahingku laho patoruskon pomparannia.”

2 SAMUEL 14:7 ပူးပေါင်းရင်းမြစ်များ

PAMUNGKAAN 27:45

jana dilupahon ia sude sanga aha na nibaenmu tusia. Dung i husuruhon pe halak laho mangalap ho mulak tuson. Nada ringkot rohangku muda agoan anak au dua-dua di bagasan sada ari.”

PAMUNGKAAN 4:14

Dipaorot Ho do iba sian tano on, padaohon sian Ho dohot sian pangurupiMu. Mompas-ompas noma iba, nada adong bagas di tano on, jadi sanga ise na marsuo dohot iba bunuonna ma iba.”

2 SAMUEL 12:17

Dung i marroan ma angka halak na godang na di bagas godang i mandapotkon ia jana dielek-elek halahi ma anso ra ia jongjong, tapi ditulak ia do i jana nada ra ia mangan rap dohot halahi.

2 SAMUEL 14:6

Adong do dua anakku halaklahi, jana di sada ari marbadai ma halahi. Jadi hara ni na so adong halak manyirang halahi, dibunu na sada ma na sahalak nari.

2 SAMUEL 14:8

“Mulak ma ho,” ning raja i mangalusi, “Huurus pe parkaro i.”

BILANGAN 35:19

Koum sisolkot ni na tarbunu i, palalu uhuman mate. Muda padumpang ia dohot si pamunu i, dibunu ia ma i.

MATEUS 21:38

Tapi dung diida angka na mamola kobun i anak ni partano na bidang i martahi ma halahi, ‘Ah! Ma ro anak ni partano na bidang i. Aha dope, tabunu ma i anso di hita sude tean-teananna i!’

PANGARATAION 25:6

Anak siangkaan ni halahi etongon ma i gabe songon anak ni na jumolo monding i anso adong pomparannia di tonga-tonga ni bangso Israel.