2 SAMUEL 14:6 - BIBEL JAMITA NA DENGGAN

⁶ Adong do dua anakku halaklahi, jana di sada ari marbadai ma halahi. Jadi hara ni na so adong halak manyirang halahi, dibunu na sada ma na sahalak nari.

2 SAMUEL 14:6 ပူးပေါင်းရင်းမြစ်များ

PAMUNGKAAN 4:8

Jadi didok si Kain ma tu si Abel anggina i, “Beta jolo hita tu ladang.” Jadi di hatiha di ladang halahi dibalbal si Kain ma angginia i lalu dibunu ia.

2 SAMUEL 13:28

Diparentahon ia ma tu angka naposonia songon on, “Parate-atehon hamu denggan, muda dung mabuk si Amnon hara ni na minum anggur, hulehen pe tandana, bunu hamu ma ia. Ulang mabiar hamu. Au sandiri do na martanggung jawab di pangalaho on. Ulang ganggu-ganggu rohamunu tapi baen hamu mardongan habaranion!”

2 SAMUEL 13:29

Dipatulus angka naposonia ma parenta ni si Absalom i jana dibunu halahi ma si Amnon. Marnida i, marsitengget bagalna be ma angka anak ni si Daud na deba nari i palua dirina.

2 SAMUEL 14:5

“Aha do i?” ning raja i mangalusi. Dialusi anakboru i ma, “Sada anakboru na mabalu jana na pogos do au. Madung jumolo halaklahingku.

2 SAMUEL 14:7

Jana saonnari gabe sude ma koum sisolkotku mangalo au jana marsituntut anso hupasahat anakki tu halahi anso bolas matehonon ni halahi, hara ni na dung dibunu ia angginia i. Muda baenon ni halahi ma songon i, gabe mamunjung noma sasada au, so adong be sada anak pe. Soadahonon ni halahi ma arop ni rohangku na sasada i jana nada adong be anak halaklahi na tinggal di halaklahingku laho patoruskon pomparannia.”

HARURUAR 2:13

Ancogotna i ro muse ma si Musa, diida ia ma dua halak Ibrani topet marbadai. “Biasi dipukul ho dongan sabangsomu?” ninna si Musa tu halak na marsala i.