2 SAMUEL 14:32 - BIBEL JAMITA NA DENGGAN

³² Dialusi si Absalom ma, “Hara ni na so ra i do ho ro di na husuru pio i. Na giot suruonku do ho nian mangadop tu raja i laho palaluhon sapa-sapangkon. ‘Aha do gunana morot au sian Gesur di na ro au tuson? Gumonan hian do laing disi au.’ ” Dung i dipaudut si Absalom ma, “Usahahon ma anso tarbaen au mangadop tu raja i, jana muda laing na marsala dope au, rade do au mate hona uhum.”

2 SAMUEL 14:32 ပူးပေါင်းရင်းမြစ်များ

PAMUNGKAAN 3:12

Dialusi halaklahi i ma, “Dadaboru na nibaenMi gabe donganku, ia do mangalehen di au, gabe hupangan.”

2 SAMUEL 13:37

Maporus ma si Absalom tu bagas godang ni raja ni tano Gesur, i ma si Talmai anak ni si Amihur. Tolu taon honokna ia disi maringanan. Lolot do sai marsak si Daud mangarsakkon si Amnon,

2 SAMUEL 14:31

Jadi gabe ro ma si Joab tu bagas ni si Absalom laho manyapaisa, “Biasi disurbu angka hatobanmi ladangku?”

2 SAMUEL 3:3

Si Kileab. Inangna si Abigail tading-tadingan ni si Nabal na sian Karmel. Si Absalom. Inangna si Maaka boru ni Raja Talmai sian Gesur.

MASMUR 36:2

Hara ni ginjang ni rohana, diambang ia na so diboto Tuhan dosania jana nada uhumanNa ia.

HARURUAR 14:12

Nada he na dung hami dokkon hian do na salpu i, na angkon masa na songon on? Hami suru hian do anso kehe ho maninggalkon hami jana padiaronmu hami diparhatoban di Mesir. Gumonan dope gabe hatoban disi, ulang pado mate di parhorsihan on!”

HARURUAR 16:3

Ninna halahi ma, “Dumenggan ma sugari di tano Mesir hami dibunu Tuhan. Na ummotikna ma disi tarbaen hami juguk jana mangan juhut dohot na asing lopus puas. Hape dioban ho do hami tuson anso mate tangkuraparon hami sude.”

HARURUAR 17:3

Tapi sun do nguas ni angka jolma i jana sai torus do halahi marungut-ungut tu si Musa. Ninna halahi ma, “Biasi dioban ho hami haruar sian Mesir? Giot padiaronmu ma hami, dohot angka dakdanaknami maradu pahan-pahanannami mate manguas?”

PODA 28:13

Na manabunihon dosana, nada i maruntung. Sanga ise na mangokui jana manadingkon dosana, Debata do, mangalehen ampun.

JEREMIA 8:12

O hamu bangsongKu, patut nian maila ma hamu hara ni sude halayason na dung nibaenmunu on! Hape hapal do bohimunu jana nada mamboto hahaila. Jadi hara ni i angkon madabu hamu songon halak na asing na dung madabu i; abis ma riwayatmunu muda dung Huuhumi hamu. Au Tuhan, madung mandok songon i.”

MATEUS 25:44

Dung i dohonon ni halahi ma tuSia, ‘Andigan lakna hami ida Ho ale Tuhan male-malean sanga manguas, sanga tarpunjung di sada inganan, sanga na so marpakean, sanga marnyae, sanga tarhurung, jana nada hami urupi Ho Tuhan?’

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

1 SAMUEL 15:13

Di na marsuo si Samuel dohot si Saul, didok si Saul ma tusia, “Sai dipasupasu Tuhan ma ho amang! Madung hupatulus parenta ni Tuhan i.”

1 SAMUEL 20:8

Na mangido tolong ma au tu ho, dibaen na dung mamudun janji do hita di adopan ni Tuhan. Tapi haru songon i pe muda na marsala do au antong, bunu ma au, tapi ulang ma pasahat au tu amanta.”