2 SAMUEL 14:28 - BIBEL JAMITA NA DENGGAN

²⁸ Madung dua taon si Absalom maringanan di Jerusalem tapi laing na so marsuo dope ia dohot raja i.

2 SAMUEL 14:28 ပူးပေါင်းရင်းမြစ်များ

PAMUNGKAAN 33:10

Ning si Jakob ma, “Ulang ale angkang! Muda hupajop rohamu, jagit ma da antong somba-sombangkon. Anggo di au, hum marnida bohimu madung songon na mida bohi ni Debata, hara ni denggan ni rohamu mida au.

PAMUNGKAAN 43:3

Jadi didok si Juda ma tusia, “Pir do da amang pandok ni gubernur i tu hami; na so tola do hami mangadop tusia anggo na so hami oban do angginami i.

2 SAMUEL 14:24

Tapi nada dipatola raja i si Absalom maringanan di bagas godang. “Nada ra au mangaligi i,” ninna raja i. Jadi torus mulak tu bagas do si Absalom, jana nada pola mangadop be ia tu raja i.

2 SAMUEL 14:29

Jadi sanoli dipiohon ia ma si Joab, laho marsuru ia nian mangadu tu raja i, hape nada ra si Joab ro. Dipiohon si Absalom ma ia sanoli nari, hape laing nada ra si Joab ro.

1 RAJA-RAJA 1:53

Dung i disuru Raja Salomo ma mangalap ia sian langgatan i. Kehe ma si Adonia tu jolo ni raja i marsomba-somba di jolona. Dung i didok raja i ma, “Mulak ma ho!”

1 RAJA-RAJA 2:36

Dung songon i dipio raja i ma si Simei, jana didokkon ma tusia, “Baen ma bagasmu di Jerusalem on. Tinggal disi ma ho ulang ho ruar sian kota on.

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [