2 SAMUEL 14:27 - BIBEL JAMITA NA DENGGAN

²⁷ Adong do tolu anak ni si Absalom jana sada borunia na jogi situtu rupana, goarna si Tamar.

2 SAMUEL 14:27 ပူးပေါင်းရင်းမြစ်များ

2 SAMUEL 11:2

Sanoli andospotang, dung ngot si Daud sian na modom, kehe ma ia tu tarup ni bagas godang na hornop i. Diida ia ma sian i sada anakboru na topet maridi, jana sun jeges ni anakboru i.

2 SAMUEL 13:1

Adong do sada iboto ni si Absalom, anak ni si Daud, goarna si Tamar, na nitadohon ni si Absalom. Tubu ma di roha ni si Amnon, anak ni si Daud sian dadaborunia na asing, manghaholongi si Tamar

2 SAMUEL 18:18

Taran di ngolu ni si Absalom dope, na dung dipajongjong ia humani do disia sandiri sada tugu di Rura Raja, angke nada adong anak halaklahi disia laho paudutkon pomparan disia. Dibaen ia ma goar ni tugu i mangihutkon goarnia sandiri, jana lalu tu sadari on laing na habotoan do tugu i, tugu ni si Absalom.

JESAYA 14:22

Didok Tuhan Na Markuaso i ma, “Ro ma Au mamorangi Babel, lalu manyegohonsa. Umpe sahalak na malua baenonKu, salang dakdanak pe nada padiaronKu mangolu. Tuhan do Au, na mandok i.

JEREMIA 22:30

“Na dung ditontuhon do jolma i agoan angka dakdanakna jana sai lus di bagasan ngoluna. Sian pomparanna nada adong na marhasil mamarenta di Juda songon raja sian pomparan ni si Daud. Au Tuhan, madung mandok songon i.”