2 SAMUEL 14:26 - BIBEL JAMITA NA DENGGAN

²⁶ Obuknia na bolbolan, jana angkon pangkasonnia do i sanoli sataon, angke maginjangtu jana maborattu dihilala ia. Lobi do dua kilo borat ni obuknia na digusting i mangihutkon timbangan ni raja.

2 SAMUEL 14:26 ပူးပေါင်းရင်းမြစ်များ

PAMUNGKAAN 23:16

Tumbuk ma arga i di roha ni si Abraham, dietong ia ma hepeng perak i mangihutkon timbangan na somal dipake saudagar. Dung i digarar ia ma i tu si Efron di jolo ni angka pamimpin ni halak Het i.

2 SAMUEL 18:9

Dompak mangalombut bagalnia si Absalom, ompot ma marsuo ia dohot parangan ni si Daud. Mamolus bagalnia i di toru ni hayu na godang, jana sangkot ma ulu ni si Absalom di sada dangka. Marlojong torus bagalnia i, gabe tinggal ma si Absalom disi laing gantung-gantung.

JESAYA 3:24

Gabe muap busuk ma angka na huskus i, tali ma gonti ni bobat, ulu ni halahi na marobuk na jeges i gabe palpalon noma, angka pakean ni halahi na jeges-jeges i pe gontion ma dohot pakean na mardarang-derung; jana tihas ma gonti ni hajegeson i.

JEHESKIEL 44:20

Nada tola marcukur ulu ni angka malim sanga marginjang obuk. Angkon marpangkas pendek do hombar tu aturan na dung ditontuhon.

HAMALIMON 19:36

Meter, timbangan bope takaran na tigor do pakeonmu. Au do Tuhan Debatamu, jana madung Huoban hamu haruar sian Mesir.

1 KORINTUS 11:14

Nada he dipatuduhon bako ni jolma i do tu hamu, paboa hailaan do di sada halaklahi muda ginjang obukna?