2 SAMUEL 14:25 - BIBEL JAMITA NA DENGGAN

²⁵ Tarpuji do si Absalom songon halak na jumeges di sandok Israel. Nada adong halak na jumeges be ulang ia. Sian palakpak ni patnia lopus tu ambubu ni ulunia nada adong tihasna.

2 SAMUEL 14:25 ပူးပေါင်းရင်းမြစ်များ

JOB 2:7

Jadi kehe ma Sibolis sian jolo ni Tuhan, jana dipatubu ia ma baro sap sude pamatang ni si Job mamungka sian palampak ni patna i lalu tu ambubunia.

PODA 31:30

Nada haposan jogi ni rupa jana hajegeson muli hambar do i; tapi dadaboru na mangoloi Tuhan patut dapot pujian.

JESAYA 1:6

Sian ambubumu lalu tu palampak ni patmu umpe adong be pamatangmu na so hona nyae. Marlombaman sude pamatangmunu, marbosari jana mangkabugang. Nada dipaias sanga dibalut dope angka bugangmunu i. Nada muse diubati dohot miak.

JEHESKIEL 23:15

Na mamake bobat na jeges dohot saroben marrambu di uluna. Suman tu angka perwira ni Babel do digambarkon disi, na mamake kereta porang, Kasdim do huta hasoranganna.

DANIEL 1:4

Angkon doli-doli na so martihas do halahi. Angkon tongam, parsikola dohot na tangkas parbinotoanna di sasudena, na pistar dohot na bahat parbinotoan jana na patut markarejo di bagasan bagas godang. Angkon ajaran ni si Aspenas halahi manyise dohot manyurat di hata Babel.

MATEUS 23:27

Marjaya ma hamu angka Siboto Surat dohot angka Parise! Pangalancap do hamu! Songon kuburan na nikapur do hamu. Jeges idaon sian duru hape holi-holi ni jolma na marbusuhan do gok di bagasan.

EPESUS 5:27

Jadi songon i ma dibaen Ia anso marsangap parlagutan i jongjong jana polin di adopanNia, nada martihas sanga markerut.

PANGARATAION 28:35

Baenon ni Tuhan ma patmunu sap baro na mangintasi boti na so ra malum; sian pat lalu tu ambubumunu sap sude baro-baroon.

1 SAMUEL 16:7

Tapi didok Tuhan ma tu si Samuel, “Ulang marguru ho di ginjang ni pamatang dohot di jogi ni rupana; nada i por ni rohangKu. Nada songon parsuhat ni jolma parsuhatKu. Anggo jolma siida rupa do, tapi anggo Au marnida roha do.”

1 SAMUEL 9:2

Adong do anak ni si Kis, goarna si Saul doli-doli na jogi jana na tongam. Nada adong sahalak pe di sandok Israel na jumogi sian ia. Laing na ginjang muse antong ia, olat ni abarania do pardosdosan ni halak Israel.