2 SAMUEL 14:19 - BIBEL JAMITA NA DENGGAN

¹⁹ Disapai raja i ma, “Si Joab dehe na marsuru ho?” Dialusi anakboru i ma, “Mangasahon hosa ni raja i, nada tarbaen au mangelak sian sapa-sapa ni rajangku. Tutu do i, na dipaboa ni si Joab do tu au sanga aha na angkon baenonku dohot sidokkononku.

2 SAMUEL 14:19 ပူးပေါင်းရင်းမြစ်များ

2 SAMUEL 11:11

Dialusi si Uria ma, “Marporang dope tentara ni Israel dohot Juda, jana didongani Poti Parjanjian ni Tuhan do halahi; si Joab panglimanami i dohot angka dongannia na marpangkat-pangkat marbandar di padang-padang i do. Patut ma he songon au mulak tu bagas jana mangan, minum lalu modom dohot dadaboruniba? Hara ni hosa ni raja i dohot hosaniba, nada giot baenonku na songon i!”

2 SAMUEL 14:18

Dialusi raja i ma, “Adong na giot sisapaanku tu ho, tigor ma jolo alusi.” “Didokkon raja i ma,” ning anakboru i mangalusi.

2 SAMUEL 14:3

Dung i kehe ma ho mandapotkon raja i jana palalu ma sanga aha sidokkononkon tu ho.” Dung i dipajojor si Joab ma tusia sanga aha na giot sidokkononnia i.

2 SAMUEL 18:13

Jana sugari hubunu nangkin si Absalom torang do i tarboto tu raja i, – angke dibege raja i do sanga na aha pe – jana tuan i pe indangkan na ra mangampini au.”

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

2 SAMUEL 3:29

Sai hona uhum ma nian si Joab dohot isi ni bagasnia hara ni pambaenanna i. Sai tongtong nian adong di bagas ni si Joab marsundut-sundut na marnyae na hodar sanga na marnyae hulit na jorbut, sanga halaklahi na marpangalaho dadaboru, sanga na mate di porang sanga na hurang sipanganon!”

2 SAMUEL 3:34

“Angkon mate songon halak na bodo ma hape si Abner na so hona tambat tangannia dohot patna pe so sirantean? Na mate hona tiham ma ia dibaen halak na jahat boti na kejam.” Dung i ditangisi rayat i ma si Abner mangulahi.

2 RAJA-RAJA 2:2

jadi di tonga dalan didok si Elia ma tu si Elisa, “Dison ma ho; disuru Tuhan do anggo au kehe tu Betel!” Tapi dialusi si Elisa ma, “Mangasahon Tuhan na mangolu i dohot mangasahon hosamu Amang, nada giot tadingkononku ho Amang.” Jadi gabe rap ma halahi manoruskon pardalanan tu Betel.

HARURUAR 4:15

Manghobari ma ho dohot ia, paboa ma tusia aha sidokkononnia. Huurupi pe hamu na dua jana Huajari pe mandok sanga aha sidohononmunu dohot sibaenonmunu.

PODA 25:2

Marmulia do Debata hara ni angka na nirahasiahonNa; raja dipasangap hara ni angka na tarpatorangsa.

PODA 4:27

Padao ma na jahat, jana tigor ma ho mangolu. Ulang jabat ho manyirpang sian dalan na tigor.

BILANGAN 20:17

Pangidoannami anso diloas raja i hami mamolus sian luat on. Nada pola manyirpang hami dohot pahan-pahanannami sian dalan sanga masuk tu ladang sanga kobun anggur ni raja i. Nada pola inumonnami aek sian sumur ni raja i. Dalan godang i pe hami bolus tongtong lopus haruar hami sian tano ni raja i.”

LUKAS 21:15

Au sandiri do mangalehen angka hata sidokkononmu dohot habisuhon, lopus nada tarbaen sahalak pe sian angka musumunu i mangalo dohot mangalusi sanga aha na nidokmunu i.

PANGARATAION 28:14

Tapi ulang lolos-lolos ho di parenta i sude, sanga na bia pe pangalahona. Jana ulang mamele sanga mangoloi ho tu angka debata na asing.”

PANGARATAION 5:32

Angka dongan sabangso, burju be ma hamu mangoloi sasude na niparentahon ni Tuhan Debatamunu i tu hamu. Ulang adong sada pe sian angka parenta i langgar hamu.

JOSUA 1:7

Hum on do, sai marpos ni roha ma ho jana togu. Ingot ma ho laho mangoloi sadenggan-dengganna sandok uhum na nilehen ni si Musa naposongKu tu ho. Ulang layas rohamu saotik pe di angka uhum i, anso maruntung ho sanga tudia pe ho kehe.

1 SAMUEL 1:26

Dung i didok si Hanna ma tu si Eli, “Santabi amang. Diingot amang dope ulaning au? Au do dadaboru na niida ni amang jongjong dison, topet martangiang tu Tuhan.

1 SAMUEL 17:55

Di na niida ni si Saul kehe si Daud mangalo si Goliat, disapai ia ma tu si Abner, panglima ni tentarania i, “Anak ni ise do tehe Abner, bayo i?” “Nada huboto rajanami,” ning si Abner mangalusi.

1 SAMUEL 20:3

Dialusi si Daud ma, “Diboto amanta do na holong rohamu tu au. Hara ni i do umbaen na so ra ia paboahon na songon i anggo tu ho anso ulang marsak ho. Sanga na bia pe, mangasahon Tuhan Na Mangolu i, tutu do na hudok on: Gincip noma hosangku!”

1 SAMUEL 25:26

Madung diantahi Debata palalu hosom tuan i dohot mamunu angka musu ni tuan i. Jana saonnari ale tuan, husumpahon ma mangasahon Tuhan na mangolu i, sai songon bagian ni angka musu ni tuan i ma dohot bagian ni sude na sai giot mangagohon ngolu ni tuan i ma bagian ni si Nabal.