2 SAMUEL 14:17 - BIBEL JAMITA NA DENGGAN

¹⁷ Pos do rohangku rajanami laing janji ni raja i noma na manjamin haluaanku angke na songon surusuruan ni Debata do raja i na tuk gogo paasingkon na denggan dohot na jat. Sai didongani Tuhan Debata ni raja i ma antong nian raja i!”

2 SAMUEL 14:17 ပူးပေါင်းရင်းမြစ်များ

2 SAMUEL 14:18

Dialusi raja i ma, “Adong na giot sisapaanku tu ho, tigor ma jolo alusi.” “Didokkon raja i ma,” ning anakboru i mangalusi.

2 SAMUEL 14:20

Tapi songon i pe dibaen ia, anso laing salose do pangalaho i dohot denggan. Na bisuk do antong raja i songon surusuruan ni Debata, tarbaen umboto sasude na masa.”

2 SAMUEL 19:27

Dipatubu-tubu ia muse dope hata na so tutu maradopkon au tu raja i. Tapi songon surusuruan ni Debata do raja i. Antong dibaen raja i ma sanga aha na denggan di roha ni raja i.

2 SAMUEL 19:28

Na patut do nian mate hona uhum baenon ni raja i sude koum sisolkot ni damang, tapi anggo au madung diisinkon raja i dohot mangan di bagas godang. Anggo saonnari nada puluk be au mangido bagi aha sian raja i.”

1 RAJA-RAJA 3:28

Dung dibege halak Israel haputusan ni si Salomo taringot tu parkaro i, gabe homang ma halahi jana dipasangap halahi ma si Salomo. Tangkas ma tarida, na dung dilehen Debata disia habisuhon laho manimbang parkaro di bagasan hatigoran.

1 RAJA-RAJA 3:9

Hara ni i ale Tuhan, lehen ma di au habisuhon na porlu di au laho mamarenta bangsoMon di bagasan hatigoran jana anso tangkas di au paasingkon dia na denggan, jana dia na jat. Muda nada songon i, songon dia ma tarbaen au mamarenta bangsoMu na godang on?”

JOB 6:30

Adong he diambang ho margabus au, nada tarbaen paasing na denggan dohot na jat?

PODA 27:21

Sere dohot perak diuji di bagasan api, tandaon do halak sian pangkobarina.

PODA 29:5

Na paoto-oto donganna, mambaen jorat do i tu dirina.

IBRANI 5:14

Anggo panganon na pir, tu halak na dung magodang do i, harana madung malo ia paasingkon sanga dia na denggan dohot mandok sanga dia na jat.

JOSUA 1:17

Sai na oloannami do angka na niparentahonmu, laing songon si Musa na sai hami oloi. Sai didongani Tuhan Debatami ma ho songon pandonganiNia di si Musa!

1 SAMUEL 29:9

Dialusi si Akhis ma, “Diboto ho do, na huetong do ho burju songon surusuruan ni Debata. Tapi madung diputuskon angka raja-raja na asing i do na so tola ho kehe marporang rap dohot hami.