2 SAMUEL 14:16 - BIBEL JAMITA NA DENGGAN

¹⁶ Anggo hupikir tangihonon jana paluaon ni raja i do au sian halak na marusaho giot mamunu au, dohot anakki. Na giot paorot hami sian tano na nilehen ni Debata tu bangsoNa on do maksud ni halahi.

2 SAMUEL 14:16 ပူးပေါင်းရင်းမြစ်များ

2 SAMUEL 14:15

Umbaen na mangadop pe au tu raja i, harana adong do halak mangancam au. Jadi marpikir ma au, dumenggan ma sugari mangkobari au dohot raja i mardongan arop ni roha na bolas oloan do pangidoan on.

2 SAMUEL 20:19

Godang do kota Abelnami on – on ma sada kota na dumame dohot na tigor di tano Israel. Biasi giot roncohonon ni tuan i kota on? Na por dehe rohamu manyegohon tano ni Tuhan?”

MASMUR 72:12

Halak na hona sosak na so margeldok, diurupi ia, dohot na pogos na pio-pio tusia.

PODA 16:10

Muda raja mandok hata marhite kuaso ni Debata, jadi, nada sala ia di haputusan na nibaenna.

PANGARATAION 32:9

Hape anggo pompar ni si Jakob on dipili Tuhan diSia sandiri antong.

1 SAMUEL 26:19

Tangihon jolo rajanami elek-elekhon. Sugari sura Tuhan na mangelek raja i anso mamunu au, sada haul pe nihaulkon tuSia, mombun ma rimasNia tu au. Tapi sugari sura jolma na manyosoi raja i jolma na tutu, sai hona bura ni Tuhan ma i! Hara ni pangalaho ni halahi, gabe hona usir ma au sian tano na nijanjihon ni Tuhan jana disuru morot tu luat na asing disi ma au angkon mamele tu angka debata na asing.