2 SAMUEL 14:14 - BIBEL JAMITA NA DENGGAN

¹⁴ Na muli mate do hita on sude; tarsongon aek na sabur tu tano do hita jana nada tarpalagut be. Debata pe nada pangoluonNia be mangulahi anggo halak na dung mate. Jadi siusahahonon ni raja i do antong anso tarbaen halak na tarbuang mulak mangulahi.

2 SAMUEL 14:14 ပူးပေါင်းရင်းမြစ်များ

2 SAMUEL 11:25

Didok si Daud ma tu suruan i, “Papos ma roha ni si Joab jana dokkon ma tusia anso ulang pola lebak dihilala ia, angke na so tardok hian do sanga ise na giot mate anggo di bagasan parporangan. Dokkon ma tusia anso dipadalan ia paraloan na gumogo dope maradopkon kota i lopus tunduk kota i.”

2 SAMUEL 14:15

Umbaen na mangadop pe au tu raja i, harana adong do halak mangancam au. Jadi marpikir ma au, dumenggan ma sugari mangkobari au dohot raja i mardongan arop ni roha na bolas oloan do pangidoan on.

1 RAJA-RAJA 11:39

Hara ni na mardosa si Salomo, gabe uhumanKu noma pomparan ni si Daud tapi nada sapanjangna.’ ”

JOB 14:14

Angke muda mate jolma i, tarbaensa ma he mangolu mangulahi? Sian ari tu ari au sai tarpainte lopus ari-ari hapaetanku solpu pate.

JOB 30:23

Huboto do, na niboanMu au tu hamatean, inganan pangaluhutan ni sude na marhangoluan.

JOB 34:15

tontu gabe mate ma sude mahluk na marhosa, jana gabe orbuk songon di mulana.

JOB 34:19

Nada Ia teleng tu angka raja, sanga patujolohon na mora sian angka na susa. Harana rap na nitompaNia do halahi sudena.

MASMUR 22:14

Abis ma sude gogongku, songon aek na durus tu tano, martalgangan sude holi-holingki, ate-ate i pe malala songon lilin na hona api.

MASMUR 22:15

Aru-arungku mahiang songon ngarngar, dilaniba lohot di langit-langit ni pamangan. Anggo au madung ditinggalkon Tuhan, songon halak na mate di kuburan.

MASMUR 58:7

Padiar ma mago halahi songon aek na maruas, songon ruput na malos na nidegean di dalan.

MASMUR 77:8

Na dung mantak dehe Ia mangkaholongi hami? Na so gokanNia be ulaning janjiNia i?

MASMUR 79:3

Di sude kota Jerusalem songon aek, durus mudar ni halahi; nada adong na mangubur halahi.

MASMUR 90:10

Hum pitu pulu taon do lolot ni ngolunami, lalu salapan pulu taon muda margogo hami. Tapi hum hasusaan dohot hamaolon do na dapot hami, dung salpu ngolu na pendek i, mago ma hami.

MASMUR 90:3

Disuru Ho do mulak jolma tu asalna, gabe abu songon di mulana.

HARURUAR 21:13

Tapi anggo so na nisangajona do na mamukul i jana nada adong hian maksudna mamatehonsa, tola do lari tu sada inganan sipaboaonKu tu ho, jana disi ma ia anso malua.

PARJAMITA 9:5

Palamani, diboto jolma na mangolu na inte do hamatean disia, hape anggo na mate nada dibotosa bagi aha. Nada adong disia upa sanga pamaloson, jana goarnia pe ma pola dihalupahon.

ANDUNG 3:31

Haru pe diloas Tuhan hita di pardangolan, nada ditulak Ia hita torus sapanjangna.

JEHESKIEL 18:23

Adong he didok rohamu, Au Tuhan Debata marsonang ni roha muda mate halak na jahat i? Nada songon i! GiotKu nian ditadingkon ia ma angka dosania anso laing mangolu ia.

HAMALIMON 26:40

Tapi anggo pomparanmu dioku halahi do dosa ni halahi sandiri dohot dosa ni ompu ni halahi, na dung mardosa hara ni na dialo halahi Au,

BILANGAN 35:15

Gabe kota haporusan ma i di halak Israel dohot di halak na leban na rap dohot hamu santongkin sanga manongtong pe. Sanga ise na mamunu halak na asing na so disangajo, tola do maporus tu angka kota i.

BILANGAN 35:25

Halak na mamunu na so disangajo i, angkon ondingan ni halak na bahat do i sian pamaloson ni sisolkot ni na mate i. Angkon obanon ma halahi mulak tu kota haporusan, inganan haporusannia. Tinggal ma ia disi lopus mate malim godang na di kota i.

BILANGAN 35:28

Jadi angkon tinggal ia disi lopus mate Malim Godang di kota i, dung i pe anso tola ia mulak.

MATEUS 22:16

Disuruhon halahi ma angka anak sisean ni halahi rap dohot piga-piga halak anggota ni si Herodes. Jadi disuru dokkon halahi ma tu halak na nisuruhon ni halahi i mandok tu Jesus songon on, “Hami boto halak na tigor roha do Guru i. Marsitangkas do diajarkon Ho hagiot ni Debata tu jolma. Nada mabiar Ho sanga na tu ise pe halakna. Angke antong inda siida bohi Ho.

BAENON NI ANGKA RASUL 10:34

Dung i mandok hata ma si Petrus, “Saonnari tangkas ma huastui, na sarupa do hape sude jolma diida Debata.

SURAT NI SI PAULUS TU PARLAGUTAN ROM 2:11

Harana, nada siida bohi Debata.

PANGARATAION 10:17

Di ginjang ni sude debata do Tuhan Debatamunu i jana Tuhan ni sasudena tuan, Debata na tongam jana na markuaso do Ia jana angkon nioloan. Nada ra Ia marpihak jana nada ra muse Ia manjagit sisip.

IBRANI 9:27

Madung ditotopkon Debata hian, sanoli sajo do mate jolma, dung i diadili Debata noma.

1 PETRUS 1:17

Didok hamu Amang tu Debata dompak martangiang hamu. Antong, Debata i do na mandabuhon uhuman tu jolma marguru tu pambaenanna be so pola mangaligi bohi. Hara ni i, salolot di tano on hamu, pagodang hamu ma Debata di ngolumunu.