2 SAMUEL 14:11 - BIBEL JAMITA NA DENGGAN

¹¹ Didok anakboru i ma, “Sugari nian ditangiangkon raja i ma jolo tu Tuhan Debata ni raja i, anso ulang jabat dibaen halak na giot mamalos hamamate ni anakki nian hajahatan na gumodang dope marhite na mamunu anakku na sada nari i.” Dialusi si Daud ma, “Mangasahon Tuhan na mangolu i, indada hahuaon anakmi, haru hum saotik pe.”

2 SAMUEL 14:11 ပူးပေါင်းရင်းမြစ်များ

PAMUNGKAAN 14:22

Dialusi si Abram ma, “Husumpahon ma di jolo ni Debata Na Gumincat i, na manompa langit dohot tano,

PAMUNGKAAN 31:50

Didok si Laban dope, “Muda mambaen jahat ho tu dakdanakku, sanga mangalap boru na asing, haru pe na so huboto, ingot ma na nimataan ni Debata hita.

2 SAMUEL 14:10

Dialusi raja i ma, “Muda adong halak na mangancam ho, oban ma halakna i tu au, jadi nada hahuaonnia be ho muse.”

2 SAMUEL 14:12

Dung i didok anakboru i ma, “Sugari laing dipatola raja i ma au mandok hata saotik nari.” “Denggan,” ninna raja i mangalusi.

2 SAMUEL 14:21

Dung i dipio raja i ma si Joab jana didokkon ma tusia, “Huoloi pe pangidoan ni rohami. Kehe ma ho mangalap si Absalom jana oban ma ia tuson.”

1 RAJA-RAJA 1:52

Dialusi si Salomo ma, “Muda denggan parangenia, nada pola hahuaon ia, tapi muda dibaen ia na jahat angkon mate do ia.”

JEREMIA 4:2

baru pe anso tola hamu marsumpa mangasahon goarKu. Jadi gabe pangidoon ni sandok bangso ma anso Hupasupasu halahi, jana pujion ni halahi ma Au.”

BILANGAN 35:19

Koum sisolkot ni na tarbunu i, palalu uhuman mate. Muda padumpang ia dohot si pamunu i, dibunu ia ma i.

BILANGAN 35:21

sanga pe ditenju ia, sala do halakna i hara ni na mamunu, jadi halak i pe angkon niuhum mate. Sisolkot na dumonok tu na nibunu i do mambaen uhuman mate i. Muda marsuo ia dohot na mamunu i, dibunu ia ma i.

BILANGAN 35:27

hape marsuo dohot sisolkot ni na mate tarbununia i, gabe dibunu ma ia, nada na mamunu ia i.

MATEUS 10:30

Salang obuk na di ulumunu i pe na dung nietong do sudena i.

BAENON NI ANGKA RASUL 27:34

Hupangido mangan ma hamu jolo bope hum saotik. Denggan do i anso margogo hamu mangulahi. Harana angkon laing malua do hamu sude jana nada pola hurangan hamu sanga aha,” ninna si Paulus.

1 SAMUEL 14:45

Tapi mangkuling ma rayat i tu si Saul, “Angkon mate hona uhum ma he si Jonatan? Inda he ia na maroban hamonangan godang on? Nada! Marjanji do hami mangasahon Tuhan na mangolu i, na so tola agoan obuk sangkamata pe si Jonatan sian ulunia. Angke hara ni panolong ni Tuhan do umbaen na dapotan hamonangan ia di ari sadari on.” Songon i ma rayat i paluahon si Jonatan sian uhum hamatean.

1 SAMUEL 20:42

Dung i didok si Jonatan ma tu si Daud, “Sai didongani Debata ma ho. Jagohonon ni Tuhan do anso togu hita maniop janjinta na dua dohot pomparanta di adopan ni Debata.” Dung salpu i, kehe ma si Daud, jana si Jonatan pe mulak ma tu kota.

1 SAMUEL 28:10

Dung i disumpahon si Saul ma, didok ia ma, “Mangasahon Tuhan na mangolu i, marjanji au na so hona uhum ho hara ni na mambaen songon on.”