2 SAMUEL 13:31 - BIBEL JAMITA NA DENGGAN

³¹ Jongjong ma raja i, disibakkon ia ma pakeannia hara ni marsakna, ditinggangkon ia ma dirinia tu lante i. Dohot do sude parhobasnia marsisibakkon pakeanna be.

2 SAMUEL 13:31 ပူးပေါင်းရင်းမြစ်များ

PAMUNGKAAN 37:29

Di na mangulahi si Ruben tu sumur i, nada diida ia be disi angginia i, gabe disibakkon ia ma pakeannia hara ni marsak ni rohania.

PAMUNGKAAN 37:34

Disibakkon si Jakob ma pakeannia hara ni marsakna jana dipake ia ma pakean siluluton. Sanga na piga ari sai diandungi ia anaknia i.

2 SAMUEL 1:11

Umbege i, disibakkon si Daud ma pakeannia hara ni marsakna jana sude ma parangannia mambaen songon i muse.

2 SAMUEL 12:16

Dung i ditangiangkon si Daud ma tu Tuhan anso malum dakdanak i. Puaso ma ia jana ganop borngin sai modom di lante ni biliknia ma ia sasaborngin.

2 SAMUEL 13:30

Jadi taran na mardalan laho mulak i dope halahi, dipaboa halak ma tu si Daud, “Madung dibunu si Absalom sude anak ni raja i – sada pe nada adong be na mangolu!”

2 SAMUEL 3:31

Dung i diparentahon si Daud ma tu si Joab dohot parangan i anso disibakkon halahi pakeanna be jana mamake abit siluluton mangandungi si Abner. Jana di na manguburkon i, mardalan di pudi ni poti ni na mate i ma anggo si Daud sandiri.

JOB 1:20

Jadi jongjong ma si Job, jana disibakkon ia ma pakeannia tanda ni marsakna. Dicukur ia ma ulunia, marsomba ma ia mandok,

JOSUA 7:6

Songon i noma arsak ni si Josua dohot angka pamimpin ni Israel jabat disibak-sibak halahi pakean ni halahi jana sadari i lopus tu borngin sai manungkap ma halahi di jolo ni Poti Parjanjian ni Tuhan marsibaen abuan tu ulu ni halahi be tanda ni siluluton i.