2 SAMUEL 13:3 - BIBEL JAMITA NA DENGGAN

³ Adong do dongan ni si Amnon na malo situtu marakal, goarna si Jonadab, anak ni si Simea angkang ni si Daud.

2 SAMUEL 13:3 ပူးပေါင်းရင်းမြစ်များ

PAMUNGKAAN 3:1

Ulok do binatang na umbisuk sian sude binatang na nitompa ni Tuhan Debata. Disapai ulok i ma tu dadaboru i, “Tutu ma he na so dipatola Debata hamu mangankon batu ni hayu na di bagasan kobun on sude?”

PAMUNGKAAN 38:1

Laing tar di hatiha i, ditadingkon si Juda ma angka kahangginia i jana sainganan ma ia dohot si Hira sada bayo na marasal sian kota Adulam.

PAMUNGKAAN 38:20

Dung adong sadia honok, disuru si Juda ma si Hira dongannia i laho manaruhon hambeng i boti laho mangido angka barang-barang na nilehennia songon jaminan na salpu i, hape nada diida si Hira be anak boru i.

2 SAMUEL 13:2

jana por rohania mida si Tamar. Tapi nada tarbaen songon i, angke nada marbagas dope si Tamar jana nada tola margaul dohot halaklahi. Sai torus ma i manggohi roha ni si Amnon jabat do ujungna gabe marnyae ia.

2 SAMUEL 13:32

Tapi ro ma si Jonadab anak ni si Simea angkang ni si Daud i mandok, “Ulang ganggu raja i, jana ulang diambang roha ni raja i na dung mate sude anak ni raja i. Hum si Amnon do na mate, harana anggo i madung torang do, i ma na nihagiotan ni si Absalom mamungka sian na nibaen ni si Amnon na so patut tu si Tamar ibotonia i.

2 SAMUEL 13:4

Didok si Jonadab ma tu si Amnon, “Biasi sai songon i marsak idaon anak ni raja i ganop ari? Aha do na masamu?” Dialusi si Amnon ma, “Na ro do rohangku manghaholongi si Tamar, iboto ni si Absalom kahanggingki.”

2 SAMUEL 14:2

jadi gabe disuru alap ia ma sada anakboru na pistar na maringanan di Tekoa. Dung lalu anakboru i, didok si Joab ma tusia, “Angkon baenonmu tarsongon na marsak-marsak ho; pake ma pakean siluluton jana ulang pake miak na huskus. Baen ma songon sada anakboru na dung lolot tangis hara ni parmate ni haholongan ni rohana.

2 SAMUEL 21:21

Mangalayasi ma ia tu halak Israel. Jadi hara ni i, dibunu si Jonatan anak ni si Simea angkang ni si Daud i ma ia.

1 JUJUR TAON 2:13

Pitu anak ni si Isai. On ma goar ni halahi sian siangkaan tu sianggian: Si Eliab, si Abinadab, si Simea,

1 JUJUR TAON 27:32

Anggo si Jonatan uda ni Raja Daud i, halak na dung marsikola do antong boti panuturi na malo. Tusia ma dohot tu si Jehiel anak ni si Hakmoni dipasahat tanggung jawab salaho tu na mangajari angka anak ni raja i.

ESTER 5:10

Tapi laing ditahan ia ma dirinia torus ia mulak tu bagasnia. Disi lalu di bagas disuru ia ma ro angka dongannia jana didokkon ia ma si Zeres dadaborunia i anso rap juguk-juguk dohot halahi.

ESTER 5:14

Umbege i gabe diusulkon dadaborunia i ma dohot angka dongannia i songon on, “Anggo suru sajo pe mambaen tiang gantungan gincatna dua pulu dua meter. Dung i ancogotna i pangido ma isin sian raja i laho manggantungkon si Mordehai tu tiang i. Anggo dung songon i, tarbaen ho ma sonang rohamu kehe tu parjamuan i.” Denggan sajo ma antong usul i dipikiri si Haman, jadi manigor disuru ia ma mambaen tiang gantungan i.

ESTER 6:13

Dicaritohon ia ma tu dadaborunia dohot angka dongannia na nitaonnia i. Dung i didok dadaborunia dohot angka dongannia na malo-malo i ma, “Ma mamungka gumale gogomu sian si Mordehai. Halak Jahudi do bayo i jana indangkan na taralo ho i. Pasti taluhononnia ho.”

PODA 19:6

Bahat do halak mambuat roha ni na sangap, jana ganup do halak mardongan dohot na basa.

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

1 KORINTUS 3:19

Angke na nietong ni portibi on bisuk, anggo di parnidaan ni Debata i ma halak na oto. Tarsurat do di Buku Na Badia i, “Dipadapot Debata do angka na bisuk dohot hamaloan ni halahi i sandiri.”

JAKOBUS 3:15

Nada habisuhon na ro sian banua ginjang anggo habisuhon na songon i, sian portibi on do i, sian hagiot ni jolma, karejo ni setan do i!

HAKIM-HAKIM 14:20

Lalu dilehen tulangnia ma dadaboru ni si Simson i tu bayo na gabe pandongani ni si Simson taran na di pesta parbagasonnia i.

1 SAMUEL 16:11

Dung i marsapa si Samuel tusia, “On dehe sude anakmi?” Dialusi si Isai ma, “Adong dope tinggal sianggian i, tapi topet do marmahan biri-biri ia saonnari.” Didok si Samuel ma, “Suru ma mamiohon ia, angke nada haulkononta dope haul i painte so ro ia.”

1 SAMUEL 16:9

Dung i disuru si Samuel ma si Sama ro, tapi didok si Samuel ma, “Ia pe nada dipili Tuhan.”