2 SAMUEL 13:28 - BIBEL JAMITA NA DENGGAN

²⁸ Diparentahon ia ma tu angka naposonia songon on, “Parate-atehon hamu denggan, muda dung mabuk si Amnon hara ni na minum anggur, hulehen pe tandana, bunu hamu ma ia. Ulang mabiar hamu. Au sandiri do na martanggung jawab di pangalaho on. Ulang ganggu-ganggu rohamunu tapi baen hamu mardongan habaranion!”

2 SAMUEL 13:28 ပူးပေါင်းရင်းမြစ်များ

PAMUNGKAAN 9:21

Jadi dung diinum ia anggurnia i, gabe mabuk ma ia. Ditalduskon ia ma sandok pakeannia i, modom ma ia marsaemara di bagasan undung-undungnia i.

2 SAMUEL 11:13

Dung i mangan ma ia jana dilehen bahat inumon lopus mabuk ia. Tapi bornginna i pe nada mulak si Uria tu bagasnia, tapi modom di bagasan bilik ni pangawal bagas godang i do ia di ginjang ni ulosnia.

2 SAMUEL 11:15

Songon on ma suratna i, “Baen ma si Uria di jolo situtu, di parporangan na boratna i, dung i mundur ma ho anso mate ia.”

2 SAMUEL 12:10

Dibaen nada dioloi ho Au, jana hara ni na nibuatmu dadaboru ni si Uria, jadi gabe sai adong ma na mate hona bunu sian ganop sundut ni pomparanmu.

2 SAMUEL 13:27

Tapi hara ni na torus disosoi si Absalom, ujungna dipaloas si Daud ma si Amnon dohot sude anaknia na asing i rap dohot si Absalom. [Dung i diparade si Absalom ma sipanganon na tabo.]

2 SAMUEL 14:6

Adong do dua anakku halaklahi, jana di sada ari marbadai ma halahi. Jadi hara ni na so adong halak manyirang halahi, dibunu na sada ma na sahalak nari.

1 RAJA-RAJA 20:16

Dipungka ma marporang arian, dompak minum-minum lopus mabuk si Benhadad dohot donganna sitolu pulu dua halak i lopus masuk di parbandaran ni halahi i.

ESTER 1:10

Di ari papituhon minum-minum ma raja i marjop ni roha. Jadi gabe dipio ia ma si Mehuman, si Bista, si Harbona, si Bigta, si Abagta, si Zetar dohot si Karkas, i ma angka pangoloi na sai di adopan ni raja i.

MASMUR 104:15

jana na mangalehen aek ni anggur hasonangan, dohot miak zetun na mambaen tata bohina, maradu panganon na mangalehen hagogoan disia.

HARURUAR 1:18

Dung i dipio raja i ma bidan i lalu disapai ia, “Biasi ma dipadiar hamu dakdanak halaklahi i mangolu?”

PARJAMITA 10:19

Pesta mambaen martata, jana anggur mambaen marmoga-moga. Tapi porlu do hepeng laho manggararisa.

PARJAMITA 9:7

Tole, mangan ma jana marjop ni roha, inum ma anggurmi marmoga-moga. Nada muruk Debata, mur jop noma rohaNia.

DANIEL 5:30

Laing di borngin i, hona bunu ma si Belsasar raja ni Babel i.

NAHUM 1:10

Angke halahi pe angkon mago songon duri na marsijalin-jalinan, abis matutung songon durame na mahiang.

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

BAENON NI ANGKA RASUL 5:29

Dialusi si Petrus dohot rasul na asing i ma, “Angkon Debata do ihutkononta, nada jolma.

JOSUA 1:9

Ingot, madung Huparentahon tu ho anso marpos ni roha situtu ho! Ulang ho mabiar sanga hurang semangat, angke Au Tuhan Debatamu, sai na dongananKu do ho sanga na tu dia pe ho kehe.”

HAKIM-HAKIM 19:22

Dompak marsonang-sonang halahi, tompu ma dihobuk angka jolma na so ture na di kota i bagas i. Diburbari halahi ma pintu ni bagas i jana didok halahi ma tu na tobang-tobang i, “Pasahat tu hami bayo na niobanmi martamu tu bagasmi. Giot pakeonnami ia!”

HAKIM-HAKIM 19:6

Jadi juguk ma halahi rap mangan minum. Lalu didok amang ni anak boru i ma tu halak Levi i, “Marsonang-sonang ma jolo hami lopus borngin.”

HAKIM-HAKIM 19:9

Dung i, di na giot kehe halak Levi i dohot rading bope hatobanna i sanoli nari, didok amang ni anak boru i ma, “Eh, na giot borngin noma saonnari. Golap ma santongkin nari. Gumonan ma dison hamu marborngin jana marsonang-sonang. Ancogot ma hamu kehe manyogot jana mulak tu bagasmunu.”

RUT 3:7

Dung sidung si Boas mangan dohot minum di bagasan jop ni roha kehe ma ia modom tu inganan panimbunan ni burir-burir i. Sip-sip ma ro si Rut mambuka ulos ni si Boas, lalu dipapayak ia ma di lambung patna i.

1 SAMUEL 18:22

Jadi disuruhon ia angka pagawenia anso di na buni didokkon halahi tu si Daud songon on, “Holong do antong roha ni raja i mida ho jana songon i muse do dohot sude pagawena, jadi on ma hatihana na tumbuk di ho laho mambuat boru ni raja i.”

1 SAMUEL 28:10

Dung i disumpahon si Saul ma, didok ia ma, “Mangasahon Tuhan na mangolu i, marjanji au na so hona uhum ho hara ni na mambaen songon on.”

1 SAMUEL 28:13

Dialusi raja i ma, “Ulang ho mabiar! dokkon sajo ma, sanga aha na niidamu!” Dialusi anakboru i ma, “Huida do muldop sada na songon debata sian tano.”