2 SAMUEL 13:25 - BIBEL JAMITA NA DENGGAN

²⁵ Tapi dialusi raja i ma, “Ulang antong, amang! Angke muda sude hami kehe, gabe susa do ho hara ni hami.” Torus ma disosoi si Absalom, tapi laing hot do nada ra amangnia i dohot. Hum dipartuai ia ma karejo i.

2 SAMUEL 13:25 ပူးပေါင်းရင်းမြစ်များ

2 SAMUEL 13:24

Mangadop ma ia tu Raja Daud jana didok ia ma, “Mambaen pesta panggusting ni imbulu ni biri-biri do au, amang. Laing dohot ma amang ro tu pesta i, dohot angka halak na godang-godang na di bagas godang on.”

2 SAMUEL 13:26

Dung i didok si Absalom ma, “Antong anggo songon i noma, paloas ma angkangku si Amnon rap dohot hami.” Didok raja i ma, “Ia pe nada pola porlu dohot.”

2 SAMUEL 14:22

Manungkap ma si Joab di jolo ni si Daud, lalu mandok, “Sai dipasupasu Debata nian raja i! Saonnari ma huboto na jop do hape roha ni raja i mida au, dibaen madung dipatulus pangidoanki.”

LUKAS 14:23

Jadi didok tuan i ma tu naposo i, ‘Kehe ma ho tu dalan godang dohot tu angka dalan na sompit di ruar ni kota, jana hara ma halak marroan anso gok sude bagaskon.

LUKAS 24:29

tapi diontang halahi ma Ia, “Rap ma hita jolo, borngin ne ma ari indon madung mamungka golap muse.” Dung i masuk ma Jesus laho marborngin disi rap dohot halahi.

BAENON NI ANGKA RASUL 16:15

Tardidi ma si Lidia dohot halahi na sabagas. Dung nididihon ia, diontang ia ma hami. Didok ia ma tu hami, “Muda na dung tutu do au porsaya tu Tuhan i dietong rohamunu ale angka dongan, antong di bagasku ma hamu manompang,” ning ia. Digogohon ia ma anso laing hami oloi pangidoannia i.

RUT 2:4

Nada sadia lolot, ro ma si Boas sian Betlehem laho manghoras-horasi angka parkarejo i. “Sai didongani Tuhan ma hamu,” ning ia. Dialusi angka parkarejonia i ma, “Sai dipasupasu Tuhan ma ho amang.”