2 SAMUEL 13:22 - BIBEL JAMITA NA DENGGAN

²² Marhosom situtu ma si Absalom tu si Amnon jana nada ra be ia pangkulingkonsa hara ni na nibaennia i na so patut tu si Tamar, ibotonia i.

2 SAMUEL 13:22 ပူးပေါင်းရင်းမြစ်များ

PAMUNGKAAN 24:50

Mangalusi ma si Laban dohot si Betuel, “Dibaen na sian Tuhan do haroro ni pangalaho on, nada patut hami mambaen haputusan.

PAMUNGKAAN 31:24

Borngin-borngin i ro ma Debata tu si Laban di bagasan nipi mandok, “Jago ho! Ulang jabat adong hatamu sanga aha mangancam si Jakob.”

PAMUNGKAAN 31:29

Markuaso do da au mambaen na jat tu ho, tapi napotangin dipaingot Debata na nisomba ni amangmi do au anso ulang huancam ho.

2 SAMUEL 13:21

Dibege si Daud ma taringot tu na masa i, jana sun ma muruknia.

PODA 10:18

Halak na manabunihon hosom ni rohana, panipu do i, halak na pasarsarkon late, na bodo do i.

PODA 25:9

Bela ma parkaromu dohot donganmu, tapi anggo rahasia ni halak na asing ulang paboa-boa.

PODA 26:24

Tabo do hata ni parlate tapi anggo rohana gok sipaoto-oto do hape.

PODA 26:26

Haru pe dibunihon ia na sogo rohania, idaon ni halak do sude hajahatanna.

PARJAMITA 7:9

Ulang mura biraraon; hum halak na oto do na patiop-tiop hosom.

MATEUS 18:15

“Muda mardosa kahanggimu tu ho, topotkon ma ia. Paboa tangkas salania i. Sip-sip ma langkahon tusia anso hum hamu na dua sajo. Muda ditangihon ia na nidokmi, madung dapot ho ia mangulahi.

EPESUS 4:26

Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.

EPESUS 4:31

Salpuhon hamu ma sandok hancit ni roha, hosom dohot muruk. Ulang be manyonggahi hamu sanga panyaor-nyaorkon, ulang be adong na margoyak ni roha sanga pangkilalaan na sarupa dohot i.

1 JOHANNES 2:11

Tapi halak na margoyak ni roha mida donganna, laing na di hagolapan dope i. Na mardalan di bagasan hagolapan dope i jana na so diboto ia do sanga na giot tu dia ia kehe, angke nada marnida ia dibaen hagolapan i.

1 JOHANNES 2:9

Sanga ise na mandok maringanan ia di na torang hape goyak do rohania mida donganna, laing na di bagasan hagolapan dope ia lopus saonnari.

1 JOHANNES 3:10

On ma parasingan ni angka dakdanak ni Debata sian angka dakdanak ni Sibolis: Sanga ise na so patuluskon hatigoran, sanga na so manghaholongi donganna, nada dakdanak ni Debata halak na songon i.

1 JOHANNES 3:12

Nada songon si Kain, na ro sian na jahat jana na mambunu anggina. Hara ni aha ma lakna umbaen na nibununia i? Dibaen na jahat do pambaenannia i, tapi na tigor do na nibaen ni angginia i.

1 JOHANNES 3:15

Halak na mangkosomi donganna, sibunu jolma do i, jana diboto hamu do ganop sibunu jolma nada maruli i di ngolu na manongtong.