2 SAMUEL 13:19 - BIBEL JAMITA NA DENGGAN

¹⁹ Dung i disaburkon si Tamar ma abu tu ulunia, disibak ia baju jubania i, jana kehe ma ia diholipi ia bohinia dohot tangannia dua-dua lalu tangis-tangis.

2 SAMUEL 13:19 ပူးပေါင်းရင်းမြစ်များ

PAMUNGKAAN 37:29

Di na mangulahi si Ruben tu sumur i, nada diida ia be disi angginia i, gabe disibakkon ia ma pakeannia hara ni marsak ni rohania.

2 SAMUEL 1:11

Umbege i, disibakkon si Daud ma pakeannia hara ni marsakna jana sude ma parangannia mambaen songon i muse.

2 SAMUEL 1:2

ancogotna i ro ma sada doli-doli sian parbandaran ni si Saul. Songon na marsiluluton, disibakkon ia do pakeannia jana dibaen ia tano di ulunia. Kehe ma ia mandapotkon si Daud jana manungkap di jolonia.

2 SAMUEL 13:20

Disi diida si Absalom ia, disapai ma tusia, “Adong he dibaen si Amnon tu ho na so patut? Tuk ma i da ito, ulang be pikirkon i. Ibotomu do i, jadi ulang paboa-boa pangalaho i sanga na tu ise pe.” Dung i kehe ma si Tamar mamunjung di bagas ni si Absalom, marsak ma ia jana lungunan.

ESTER 4:1

Dung tarbege tu si Mordehai salaho tu na masa i, disibakkon ia ma pakeannia jana dipake ia ma abit goni tanda ni arsak ni roha. Disaburkon ia ma abuan tu ulunia, lalu mardalani ma ia di kota i tangis gogo jana dangol.

JOB 2:12

Tapi di na nitatap ni halahi ia sian na dao dope, jabat do giot so ditanda halahi be ia. Tangis ma halahi gogo jana disibakkon halahi ma pakean ni halahi lalu diparsampakkon halahi ma abu tu ginjang dohot tu ulu ni halahi.

JOB 42:6

Jadi gabe ila do rohangku paingot-ingot sude hatangku jana juguk di abu dohot orbuk do au manyolsoli rohangku.”

JEREMIA 2:37

Tarhirim ma hamu manadingkon Mesir hara ni ilana. Au Tuhan, madung manulakkon halahi na dipangasahonmunu i; indangkon na dapot hamu sanga na aha untung sian halahi.”

JOSUA 7:6

Songon i noma arsak ni si Josua dohot angka pamimpin ni Israel jabat disibak-sibak halahi pakean ni halahi jana sadari i lopus tu borngin sai manungkap ma halahi di jolo ni Poti Parjanjian ni Tuhan marsibaen abuan tu ulu ni halahi be tanda ni siluluton i.

1 SAMUEL 4:12

Marlojong ma sahalak Marga Benyamin sian galanggang parporangan i tu Silo jana laing di na sadari i do ia lalu disi. Jana songon tanda ni arsak ni roha, disibak-sibak ia pakeannia jana dibaen ia tano di ulunia.