2 SAMUEL 13:12 - BIBEL JAMITA NA DENGGAN

¹² “Ulang,” ning anak boru i. “Ulang au paksa mambaen karejo na songon i hodarna! Nada adong jungada masa na songon i di Israel.

2 SAMUEL 13:12 ပူးပေါင်းရင်းမြစ်များ

PAMUNGKAAN 34:2

Di na niida ni si Sikem anak ni si Hemor halak Hewi i, i ma raja ni luat i si Dina, dilojongkon ia ma anak boru i, dipaksa ia ma mambaen na so ture.

PAMUNGKAAN 34:7

Di na mangkobari i halahi, lalu ma angka dakdanak ni si Jakob sian parmahanan. Disi dibege halahi na masa i, tarsonggot ma halahi jana muruk sajo. Harana gabe marlayas ma sude angka halak Israel hara ni parbuatan na so ture tu boru ni si Jakob i.

PODA 7:7

Jadi huligi ma bahat doli-doli na bajar dope; tapi hupamanat ma tangkas sada na oto sian tonga-tonga ni halahi.

JEREMIA 29:23

Songon i ma bagian ni halahi hara ni na dung mambaen angka dosa na godang di Israel; marmainan halahi jana dipake halahi goar ni Tuhan laho mancaritohon angka pangalaho na so tutu. Maralo do na songon i tu hagiot ni Tuhan, diboto Ia do sanga aha na nibaen ni halahi, jana Ia sandiri saksina laho mangalo halahi. Madung didok Tuhan songon i.”

HAMALIMON 18:11

Ulang ho marcampur dohot ibotomu donganmu saama sanga saina, angke ibotomu do ia.

HAMALIMON 18:9

Nada tola marcampur dohot ibotomu sanga pe ibotomu na asing ina, haru pe na nipagodang sabagas dohot ho sanga nada.

HAMALIMON 20:17

Sada halaklahi mambuat ibotona sanga iboto donganna saama sanga saina, angkon pailaon do halahi ditonga-tonga ni na bahat, dung i dipakehe sian halak na bahat. Hara ni na dung markarosuan ia dohot ibotona, hara ni i angkon manaon ia patundana.

PANGARATAION 22:21

jadi angkon obanon ma anak boru i tu pintu ni bagas ni amangna i. Disi ma dangguran ni halaklahi na di kota i ia dohot batu lopus mate. Na mambaen hahaila do anak boru i di bangsonta hara ni na marcampur ia dompak so marbagas dope, taran di bagas ni amangnia dope ia. Songon i ma dalanna baenonmunu laho mangagohon hajahatan i.

PANGARATAION 22:29

Di bagasan pangalaho na songon on, angkon manggarari ma bayo i tu simatobang ni anak boru i bolina mararga lima pulu hoping perak, jana angkon buatonnia anak boru i gabe ripenia hara ni na nipaksa ni bayo i ia marcampur dohot ia. Salolot di ngolunia, nada tola sirangkononnia ripenia i.

HAKIM-HAKIM 19:23

Haruar ma na tobang-tobang i jana didok ia ma tu halahi, “Ulang ale dongan. Pangidoanku, ulang baen hamu pangalaho na jahat dohot na so patut songon i, harana tamungku do da i.

HAKIM-HAKIM 20:6

Jadi gabe hubuat ma bangkena i lalu huponggol-ponggol, dung i hutongos ma i tu marga ni Israel na dua bolas i samponggol be. Hubaen pe songon i hara ni angka halak Gibea i do na mambaen na jahat jana sihailahononkon di tonga-tonga ni halak Israel.