2 SAMUEL 12:9 - BIBEL JAMITA NA DENGGAN

⁹ Biasi dipasiding ho angka na Huparentahon? Biasi dibaen ho hajahatan i? Disuru bunu ho si Uria di parporangan; dipadiar ho ma ia dibunu halak Amon, lalu dibuat ho dadaborunia i!

2 SAMUEL 12:9 ပူးပေါင်းရင်းမြစ်များ

2 SAMUEL 11:4

Disuru alap si Daud ma anakboru i, jana dung ro ia tu bagas godang, rap modom ma si Daud dohot ia. (Na baru patupahon upacara paias diri dope si Batseba dung ias bulannia.) Dung i mulak ma ia tu bagasnia.

2 SAMUEL 12:10

Dibaen nada dioloi ho Au, jana hara ni na nibuatmu dadaboru ni si Uria, jadi gabe sai adong ma na mate hona bunu sian ganop sundut ni pomparanmu.

2 SAMUEL 16:7

Diburai si Simei ma ia, didok ma, “Morot! Morot ho! Sibunu jolma! Parjahat!

1 RAJA-RAJA 15:5

Hara ni na nibaen ni si Daud do pangalaho na pasonangkon roha ni Tuhan umbaen dipatupa Tuhan songon i; nada jungada nayang rohania di angka na niparentahon ni Tuhan, asing sian parkaro na tu si Uria halak Het i.

1 RAJA-RAJA 21:19

jana palalu ma tusia, Au Tuhan mandok songon on, ‘Dung mamunu jolma, mangarampas dope! Jadi hara ni i dilatan ni anjing ma mudarmu di inganan ni pandilatan ni angka anjing di mudar ni si Nabot i!’ ”

2 JUJUR TAON 33:6

Dipelehon ia do angka dakdanaknia gabe haul situtungon di Rura Hinom. Dipadalan ia muse do pangalaho hadatuon, na martondung, aji, dohot na mangido panogu-noguon tu angka sumangot. Mardosa situtu do ia tu Tuhan jabat dipagurgur ia muruk ni Tuhan.

MASMUR 51:14

Palua ma hosangku, ale Debata Sipalua au, gabe marjop ni roha ma au paboa-boahon hatigoranMu.

MASMUR 51:16

Haul na nisambol nada tabo di pangkilalaanMu; sugari pe huhaulkon haul situtungon, nada jop rohaMu.

MASMUR 51:4

Maradopkon Ho, maradopkon Ho sajo do au mardosa, jana hukarejohon do angka na jahat dietong Ho. Anso tutu Ho tigor di bagasan angka hataMu, jana monang muda manguhumi Ho.

MASMUR 90:8

Dipatalak Ho angka dosanami di joloMu, dosanami na buni pe torang do di parnidaanMu.

PODA 14:2

Halak na jujur mabiar jana mangalehen sangap do tu Tuhan Debata; halak na so jujur palayaskon Ia.

JESAYA 5:24

Madung ditulakkon hamu pangajaran ni Tuhan Na Markuaso i, Debata Na Badia ni Israel. Hara ni i, songon durame dohot duhut na mahiang abis dipangan api, laing songon i muse ma angka urat-uratmunu gabe busuk, angka bungamunu pe malos ma i lalu abis diombuskon alogo.

JEREMIA 18:10

hape nada mangoloi bangso i tu Au muse, lalu mambaen na jahat, sundatanKu do niet ni rohangKi.”

AMOS 2:4

Songon on ma didok Tuhan, “Hara ni na dung mardosa halak Juda marhite tolu hajahatan lopus tu opat hajahatan, nada tarikonKu be haputusanKi. Dilaosi halahi do angka parenta ni Tuhan, jana nada dimomosi halahi haputusanNia. Lilu do halahi dibaen angka debata na nisomba ni angka ompu ni halahi.

1 SAMUEL 15:19

Biasi nada tunduk raja i diparenta ni Tuhan? Biasi marribur-ribur raja i mambuati barang rampasan? Jana marhite pambaenan na songon i do na gabe muruk roha ni Tuhan?”

1 SAMUEL 15:23

Angke na mangalo tu Tuhan tudos tu na padalan aji do jahat ni i jana hatangkangon sarupa do jahat ni i tu na manyomba debata. Dibaen madung ditulakkon raja i parenta ni Tuhan, jadi Tuhan i pe madung manulakkon raja i songon sada raja.”

1 SAMUEL 15:26

Tapi dialusi si Samuel ma, “Nada ra au rap mulak dohot ho be. Na dung manggagai do raja i tu parenta ni Tuhan, jana Ia pe na dung ditulakNia do raja i songon raja ni Israel.”