2 SAMUEL 12:7 - BIBEL JAMITA NA DENGGAN

⁷ Didok si Natan ma tu si Daud, “Ho ma da i! Jana on ma na nidok ni Debata ni Israel, ‘Madung Hubaen ho gabe raja di Israel jana Hupalua ho sian si Saul.

2 SAMUEL 12:7 ပူးပေါင်းရင်းမြစ်များ

2 SAMUEL 14:13

Didok anakboru i ma, “Marhite hata i, madung dioku raja i sandiri bahaso na marsala raja i hara ni na so paloaskon anak ni raja i mulak sian hagiloanna. Biasi dibaen raja i na songon i tu bangso ni Debata?

2 SAMUEL 22:1

Dung dipalua Tuhan si Daud sian si Saul dohot sian sude musunia na asing i, diendehon si Daud ma ende on di Tuhan:

2 SAMUEL 22:49

Dipalua Ho do au sian musungku dohot sian halak na jahat. Dilehen Ho hamonangan di au maradopkon alongku.

2 SAMUEL 7:8

“Jadi hara ni i, Natan, paboa ma tu si Daud naposongKi, Au Tuhan Na Markuaso, mandok tusia, ‘Na Hubuat do ho sian parkarejoanmu marmahan biri-biri di padang-padang i jana Hubaen ho gabe raja di ginjang ni bangsongKu Israel.

1 RAJA-RAJA 14:7

Kehe ma ho paboahon tu si Jerobeam, bahaso songon on didok Tuhan, Debata ni Israel tusia, ‘Madung Hutodo ho sian tonga-tonga ni rayat jana Hubaen gabe parkuaso ni Israel bangsongKi.

1 RAJA-RAJA 18:18

“Nada au sibaen gaor,” ning si Elia, “Tapi raja i sandiri do, raja i dohot dongan sabagas ni raja i. Di na marsomba raja i tu angka gana-ganaan ni Baal dilaosi raja i ma angka na niparentahon ni Tuhan.

1 RAJA-RAJA 20:40

Tapi dung i, dompak adong karejongku, lari ma bayo i.” Dialusi raja i ma, “Ho sandiri do mandabu uhumanmu, jadi angkon taonkononmu do i.”

1 RAJA-RAJA 20:42

Jadi gabe didok panurirang i ma tu raja i, “On ma na nidok ni Tuhan, ‘Halak na Huparentahon anso bunuonmu, hape dipadiar ho malua. Jadi hara ni i angkon mate ho gontina; maropuk ma tentarami hara ni na padiarkon tentarana i marlojong palua dirina.’ ”

MASMUR 18:1

Tuhan, Ho do haholongan ni rohangku, Ho do haroroan ni hagogoan di au.

JEREMIA 34:6

Jadi hupalalu ma tona ni Tuhan i tu Raja Zedekia di Jerusalem

DANIEL 4:22

O rajanami, raja i ma da hayu na gincat i. Sai martamba do hagodangan ni raja i lalu tu langit jana mabidang do kuaso ni raja i lopus tu ujung ni tano on.

MATEUS 14:14

Jadi di na mijur Jesus sian parau i, diida Ia ma halak na bahat i. Gabe ibo ma rohaNia mida halahi. Dipamalum Ia ma sanga ise na marnyae sian halahi.

1 SAMUEL 13:13

Umbege i gabe didok si Samuel ma tu si Saul, “Santak do bodona na nibaen ni raja i. Sugari sura dioloi raja i parenta ni Tuhan Debata na tu raja i, pasti do pahoton ni Tuhan raja i dohot pomparan ni raja i di Israel salolot-lolotna.

1 SAMUEL 15:17

Didok si Samuel ma, “Inda he na dung gabe pamimpin raja i di angka marga ni Israel, haru pe na so porlu dietong raja i dirina? Na dung dipili ni Tuhan do raja i gabe raja di Israel,

1 SAMUEL 16:13

Manigor dibuat si Samuel ma miak zetun jana dimiahi ia ma si Daud gabe raja di jolo ni angka angkangnia i. Laing di hatiha i manigor digohi Tondi Ni Tuhan ma si Daud. Mamungka sian ari i dohot tu ari na mangihut sai didongani Tondi Ni Tuhan ma ia. Dung i mulak ma si Samuel tu Rama.

1 SAMUEL 18:11

“Hupantikkon ma si Daud on tu dinding i!” ning rohania, lalu dipantomkon ia tombak i jabat dua noli tu si Daud, tapi sai tarciletkon si Daud antong.

1 SAMUEL 18:21

Didok ia ma di bagasan rohania, “Huarihon ma si Mikal tu si Daud, anso tarjorat si Daud jana bolas bunuon ni halak Pilistin.” Jadi paduanolihon didok si Saul ma tu si Daud, “Saonnari bolas ma ho gabe baberengku.”

1 SAMUEL 23:14

Dung i maringanan di liang ni dolok na di Parhorsihan Zip noma si Daud, disi ma ia martabuni. Sai marpupu do ia dikojar si Saul, tapi nada dipasahat Tuhan ia tu raja i.

1 SAMUEL 23:7

Dung dipaboa tu si Saul na di Kehila si Daud, ning rohania ma, “Ma dipasahat Debata si Daud tu au. Ma hona jorat ia di na masuk ia tu kota na martembok jana na marpintu horbangan i.”