2 SAMUEL 12:6 - BIBEL JAMITA NA DENGGAN

⁶ “Angkon gontion ni na mambaen songon i anak ni biri-biri i opat lompit jana angkon niuhum mate!”

2 SAMUEL 12:6 ပူးပေါင်းရင်းမြစ်များ

NEHEMIA 5:11

Sesahon hamu ma antong angka utang ni rayat i tu hamu, bope na marrupa hepeng sanga na gandum, bope anggur sanga miak zetun. Manigor paulak hamu ma ladang, kobun anggur, kobun zetun dohot bagas ni halahi!”

HARURUAR 21:34

angkon dangdangan ni nampuna sumur i do pahan-pahanan na madabu i. Lehenonna ma hepeng dangdang i tu nampuna pahan-pahanan i jana tola do tahanonnia pahan-pahanan na dung mate i.

HARURUAR 22:1

“Sanga ise na manangko lombu sanga biri-biri dung i disambol sanga digadis ia, angkon gararonnia ma lima lombu gonti ni lombu na sada i, jana opat biri-biri gonti ni biri-biri na sada i.

PODA 6:31

Tapi haru songon i pe, anggo tardapot do ia, angkon dangdangannia do mangulahi pitu noli lompit, jadi angkon pasahatonnia noma sasude na adong disia.

LUKAS 19:8

Jongjong ma si Zakeus didok ia ma tu Tuhan i, “O Tuhan, satonga sian artangku hulehen ma tu halak na pogos; jana sanga ise na unjung hutipu, hugarar pe mangulahi tusia opat noli lompit!”

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!