2 SAMUEL 12:31 - BIBEL JAMITA NA DENGGAN

³¹ Tamba ni i dioban muse dope halak kota i jana disuru maroban gargaji, pangkur bosi, dohot kapak bosi jana dibaen ma halahi markarejo di inganan partukangan ni batu bata. Laing songon i ma dibaen ia tu angka kota ni halak Amon na asing. Dung salpu i, mulak ma si Daud dohot sude tentarania i tu Jerusalem.

2 SAMUEL 12:31 ပူးပေါင်းရင်းမြစ်များ

2 SAMUEL 8:2

Laing ditaluhon si Daud muse ma halak Moab. Disuru ia halahi modom di tano i lalu dibunu ia ma dua halak ganop sian tolu halak. Jadi dung i gabe pangoloi ni si Daud ma halak Moab jana manggarar pajak tusia.

1 JUJUR TAON 20:2

Dung i ro ma si Daud jana dibuat ia ma tuku sere sian ulu ni Raja Amon lalu dipake ia tu ulunia sandiri. Adong do marborat-borat 34 kilo tuku i jana adong sada batu intanna. Laing tama do bahatna barang-barang dioban si Daud na nirampasnia sian kota i.

1 JUJUR TAON 20:3

Dioban ma sude halak kota i jana dipaksa markarejo, manggargaji, mamangkur dohot mangkampak. Laing songon i ma dibaen ia tu kota ni halak Amon na deba nari. Dung i mulak ma si Daud dohot tentarania i sudena tu Jerusalem.

JEREMIA 43:9

“Pambuati ma angka batu na godang-godang, lalu tanom i di bagasan tano di jolo ni pintu masuk tu bagas inganan ni pamarenta ni kota i. Usahahon ma anso diida angka halak Juda dikarejohon ho pangalaho i.

AMOS 1:13

Didok Tuhan, “Marpupu do mardosa halak Amon, hara ni i angkon hona uhum halahi baenonKu. Di na marporang halahi laho pabidang tano ni halahi, dilapa halahi do angka ina na denggan pamatangna di Gilead.

AMOS 1:14

Hara ni i, tongosonKu ma api tu angka tembok ni kota Raba, jana surbuonKu lopus abis angka bentengna i. Tarbege ma disi hagaoron ni sora ni porang, jana mur jebu ma porang i songon pangalingkup ni ombak.

AMOS 1:3

Didok Tuhan ma, “Marpupu do halak Damaskus mardosa, hara ni i angkon hona uhum halahi Hubaen. Santak do kejamna pambaen ni halahi tu halak Gilead.

IBRANI 11:37

Didanggur do halahi dohot batu lopus mate, dilobong do halahi dohot gargaji, dimatehon dohot podang. Madang-adang halahi mamake baju sian bobak ni biri-biri sanga bobak ni hambeng; marpogos do halahi, diparkanciti jana disiksa.

JOSUA 10:15

Dung sidung porang i, mulak ma si Josua rap dohot angka tentarania i tu parbandaran na di Gilgal.