2 SAMUEL 12:3 - BIBEL JAMITA NA DENGGAN

³ hape anggo na pogos i hum sada do anak ni biri-birinia, na nitobusannia. Dipahan-pahan ia ma anak ni biri-biri i lopus magodang di bagasan bagasnia rap dohot angka dakdanaknia. Dohot do anak ni biri-biri i mangankon sian panganon ni halahi i, minum pe sian mangkuknia do, jana modom di ampuannia; dibaen ia do, songon borunia sandiri.

2 SAMUEL 12:3 ပူးပေါင်းရင်းမြစ်များ

2 SAMUEL 11:3

Dung i disuru sapai si Daud ma sanga na ise anakboru i, jana didok halak ma, “Nada he si Batseba boru ni si Eliam, dadaboru ni si Uria halak Het i do i?”

2 SAMUEL 12:2

Bahat do pahan-pahanan dohot biri-biri ni na kayo i

2 SAMUEL 12:4

Sanoli di sada ari, ro ma da koum ni na kayo i. Nada ra na kayo i manyambol biri-biri sanga lombunia i sandiri dohot mangalompasa baen di koumnia i. Jadi dibuat ia ma anak ni biri-biri ni na pogos i, i ma dilompa ia baen di koumnia i.”

MIKA 7:5

Ulang pos rohamu di hombar bagasmu, ulang ho marguru di ale-alemu. Jamot ho di angka hata sidokkononmu haru pe dongan saripemu sandiri na umbegesa.

PANGARATAION 13:6

Ompot kahanggimu, sanga anakmu sanga borumu, sanga dongan saripe haholonganmu, sanga ale-alemu di na sip-sip mangelek-elek ho anso marsomba tu angka debata na asing, i ma tu angka debata na so jungada hian dope disomba ho dohot ompumunu,