2 SAMUEL 12:25 - BIBEL JAMITA NA DENGGAN

²⁵ jana disuru Tuhan ma Panurirang Natan mambaen goar ni dakdanak i si Jediya, angke holong do roha ni Tuhan antong disia.

2 SAMUEL 12:25 ပူးပေါင်းရင်းမြစ်များ

2 SAMUEL 12:24

Dung i diapoi si Daud ma roha ni si Batseba dadaborunia i, lalu rap modom ma halahi. Sorang ma anak ni si Batseba halaklahi, dibaen si Daud ma goarna si Salomo. Holong do roha ni Tuhan di dakdanak i,

2 SAMUEL 12:26

Marporang dope di hatiha i anggo si Joab mangalo Raba kota sabungan ni Luat Amon jana dirampas ia ma kota hundulan ni harajaan i.

2 SAMUEL 7:4

Tapi di borngin i didok Tuhan ma tu si Natan,

1 RAJA-RAJA 1:11

Kehe ma si Natan manopot si Batseba, inang ni si Salomo, mandok tusia, “Nada he dibege na mora i, na dung diangkat si Adonia anak ni si Hagit i dirinia gabe raja, salang Raja Daud nada diboto ia bagi aha taringot tuson?

1 RAJA-RAJA 1:23

Dipaboa ma tu raja i haroronia i, dung i masuk ma si Natan lalu dipaunduk ia di jolo ni raja i.

1 RAJA-RAJA 1:8

Tapi anggo Malim Zadok, si Benaya anak ni si Joyada, Panurirang Natan, si Simei, si Rei bope pangawal ni Raja Daud nada ra manyabola tu si Adonia.

1 JUJUR TAON 22:9

Tapi haru songon i pe, dilehen Ia do janji tu au mandok, ‘Adong ma sada anakmu. Mamarenta do ia di bagasan sonang, angke urupanKu do ia jabat nada adong masa porang. Goaron ma ia si Salomo, angke salolot ia mamarenta, sonang jana aman do baenonKu Israel.

1 JUJUR TAON 3:5

Sian dadaborunia na margoar si Batseba boru ni si Amiel, adong do opat anak ni si Daud na sorang di Jerusalem: Si Simea, si Sobab, si Natan dohot si Salomo jana bahat anaknia sorang disi.

NEHEMIA 13:26

Hudok, “Nada he dosa na songon on do na nibaen ni Raja Salomo? Nada adong raja na gumodang sian ia di portibi on. Dihaholongi Debata ia jana dibaen ia gabe raja di sandok Israel. Tapi haru songon i pe dielek-elek angka boru ni bangso na asing do ia laho mambaen dosa.

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

PANGARATAION 33:12

Salaho tu Marga Benyamin didok ia: “On ma marga hasudungan marga na nihaholongan ni Tuhan. Dijagohon Ia do i borngin dohot arian di antara ni dolokNia halahi maringanan.”