2 SAMUEL 12:17 - BIBEL JAMITA NA DENGGAN

¹⁷ Dung i marroan ma angka halak na godang na di bagas godang i mandapotkon ia jana dielek-elek halahi ma anso ra ia jongjong, tapi ditulak ia do i jana nada ra ia mangan rap dohot halahi.

2 SAMUEL 12:17 ပူးပေါင်းရင်းမြစ်များ

PAMUNGKAAN 24:2

Sanoli, mandok hata ma ia tu hatobannia na tumobang, i ma na mangurus sude arta sinadongannia, ning ia ma, “Baen ma tanganmu tu holang-kolang ni hae-haengkon.

PAMUNGKAAN 37:35

Sude dakdanaknia i dadaboru dohot halaklahi, marroan do laho mangapoi ia, tapi nada ra ia niapoan. Didok ia do, “Anggo au lopus manuat au tu portibi ni halak na mate, sai andunganku do anakki.” Songon i ma sai torus markutondo ia hara ni si Josep anaknia i.

2 SAMUEL 12:18

Dung saminggu, jumolo ma dakdanak i, jana mabiar do angka naposo ni si Daud i paboahon tusia. Didok halahi, “Dompak mangolu dope dakdanak i, nada ra be raja i mangalusi muda mangkuling hita tusia. Mur ma saonnari dung jumolo anaknia i! Ulang-ulang palalu roha muse noma ia tusia sandiri!”

2 SAMUEL 3:35

Sadari i sai disosoi rayat i ma si Daud anso mangan saotik, tapi disumpahon ia do, “Sai dibunu Debata ma au muda mangan au painte so lusut mataniari.”

MASMUR 102:4

Hona pukul ate-atengku songon duhut na hiang, nada lalu au be mangan.

DANIEL 6:18

Dung i ditutupkon ma sada batu na godang tu baba ni liang i jana dicap raja i ma batu i dohot cap ni harajaan dohot cap ni angka parpangkat gabe nada tarbaen sanga ise be paluahon si Daniel sian singa i.

1 SAMUEL 28:23

Dijua si Saul do i jana didok ia na so ra ia mangan. Tapi dung sai disosoi angka naposonia i sude, dioloi ia ma. Jongjong ma ia sian tano i jana juguk di podoman.