Jadi hudok muse ma, “Nada denggan parbuatanmunu i! Angkon mabiar hamu nian sugari tu Debata di ngolumunu. Sugari songon i ma baenonmunu anso ulang dilehen hamu dalan di musunta na so martuhan i laho palayaskon hita.
Ulang paloas au bonsir ni malu-malu maradopkon halak na mararop roha tu Ho, ale Tuhan, Debata Na Markuaso. Ulang paloas au gabe bonsir ni pardangolan, maradopkon halak na marsomba tu Ho, ale Debata ni Israel!
Tapi saonnari, aha dope urusanKu di son? BangsongKu madung dirampas songon i sajo. Halahi na markuaso tusia, madung manyombong, songon i ma didok Tuhan, jana goarKu torus dipabile halahi ganop ari.
“Sian sandok bangso na di tano on, hum sasada hamu sajo do bangso na Hutanda dohot na Huantoi. I ma mambaen godang dosamunu, jana angkon uhumanKu hamu.”
Marjaya do portibi on hara ni angka pangalaho na di bagasanna, i ma na mambaen halak gabe mardosa. Tutu angkon sai tongtong do adong na songon i. Tapi marjaya ma halak na gabe parbonciranna!