2 SAMUEL 12:13 - BIBEL JAMITA NA DENGGAN

¹³ Dung i didok si Daud ma tu si Natan, “Madung mardosa au maradopkon Tuhan.” Dialusi si Natan ma, “Madung diampuni Tuhan raja i; jadi nada jabat mate be raja i.

2 SAMUEL 12:13 ပူးပေါင်းရင်းမြစ်များ

PAMUNGKAAN 39:9

Sarupa do nian kuasongku di bagas on dohot kuasonia. Nanggo adong be na asing na so nipasahatnia tu au asing sian nyonya i sandiri. Bia ma baenonku mambaen parbuatan na songon i jorngangna boti mardosa iba tu Debata?”

2 SAMUEL 24:10

Tapi dung sidung si Daud na mangetong bangso i, dihilala ia ma na marsala ia, gabe didok ia ma tu Tuhan, “Madung mambaen dosa au! Ale Tuhan, ampuni ma au, angke karejo na oto do na hubaen on.”

2 SAMUEL 24:17

Diida si Daud ma surusuruan i, lalu didok ia ma tu Tuhan, “Au do na mardosa jana au muse do na mambaen hasalaan on. Hapengani aha ma he hasalaan ni bangso na marhancit on? Au ma uhumi dohot hami sabagas!”

1 RAJA-RAJA 13:4

Di na nibege ni si Jerobeam hata i, ditudu ia ma tu panurirang i jana marsurak ma ia mandok, “Tangkup i!” Tapi manigor toltol ma tangan ni si Jerobeam gabe nada tartarik ia be mangulahi.

1 RAJA-RAJA 21:20

Disi diida si Ahab si Elia, didok ia ma, “O alongku, dipaihut-ihut ho ma au, atehe?” “Tutu do,” ning si Elia mangalusi. “Angke dibaen ho do hajahatan na tarlobi di panatapan ni Tuhan,

1 RAJA-RAJA 22:8

Dialusi si Ahab ma, “Adong dope sada nari, i ma si Mika anak ni si Jimla. Tapi goyak do rohangku mida i, harana na so jungada dope hum saragam panyurirangonnia na denggan tu au; hum na so ture do sude.” “Ulang ma dok songon i!” ning si Josafat.

2 RAJA-RAJA 1:9

Jadi disuru ia ma kehe sada parpangkat, rap dohot lima pulu halak laho manangkup si Elia. Kehe ma parpangkat i jana dapot halahi ma si Elia topet juguk-juguk di sada dolok. “Bia do naposo ni Debata,” ning parpangkat i, “Disuru raja i do ho anso manuat!”

1 JUJUR TAON 21:8

Dung i martangiang ma si Daud tu Debata ning ia ma, “Madung mardosa au! Mangido ampun ma au hara ni otongku mambaen songon i.”

2 JUJUR TAON 16:10

Songon i noma murukna si Asa umbege pandohan ni Panurirang Hanani i jadi gabe dipamasuk ia ma panurirang i tu hurungan. Di hatiha i laing dipisat si Asa do sanga na piga halak sian rayatnia i.

2 JUJUR TAON 25:16

“Pahohom,” ning si Amasia, “Anggo inda, hami bunu ho annon! Nada jungada hami angkat ho gabe panuturi ni raja!” Jadi gabe sip ma panurirang i, tapi painte so i sanga dope tardokkon ia, “Saonnari ma pasti huboto na matehonon ni Debata noma raja i hara ni pambaenan ni raja i, boti hara ni na so diterge raja i sipaingotku.”

JOB 33:27

Jadi mandok hata ma ia di jolo ni halak na bahat, ‘Denggan do huetong na jahat, pardosa godang do anggo iba hape nada diuhumi Debata anggo iba.

MASMUR 103:12

Songon dao ni Habincaran tu Hasundutan sai ma daona diambungkon Ia dosanta.

MASMUR 51:16

Haul na nisambol nada tabo di pangkilalaanMu; sugari pe huhaulkon haul situtungon, nada jop rohaMu.

MASMUR 51:4

Maradopkon Ho, maradopkon Ho sajo do au mardosa, jana hukarejohon do angka na jahat dietong Ho. Anso tutu Ho tigor di bagasan angka hataMu, jana monang muda manguhumi Ho.

MASMUR 51:6

Haiason dohot habulusan ni roha do dipangido Ho, gohi ma rohangku dohot habisuhonMu.

HARURUAR 9:27

Dung i disuru raja i ma anso dipio si Musa dohot si Harun, ninna ma, “Madung mardosa au sanoli on. Tigor do Tuhan i tapi au do dohot rayatku na marsala.

PODA 25:12

Panggora ni halak na bisuk tu halak na ra manangihonsa, tudos tu tintin sere do i sanga parhiasan sigodang arga.

PODA 28:13

Na manabunihon dosana, nada i maruntung. Sanga ise na mangokui jana manadingkon dosana, Debata do, mangalehen ampun.

JESAYA 38:17

Muba ma haparironku gabe hasonangan ni roha, dipalua Ho do au sian mara; madung diampuni Ho angka dosangku sudena.

JESAYA 43:24

Nada ditobusi ho pulungan na huskus di Au, nada dibuat ho rohangKu marhite tabo-tabo ni pahan-pahananmu. Mur dipasorat ho do Au tehe marhite dosamu jana dilojai ho Au marhite angka hasalaanmu.

JESAYA 44:22

Huayak dosami songon alogo, salamu Hupaorot songon ombun na dihabangkon ni alogo. Hara ni i mulak ma ho tu Au, angke Au do Sipaluamu.”

ANDUNG 3:32

Haru pe dibaen Ia hita susa, tapi nauli basa do anggo Tuhan, hot do holong ni rohaNia marlobi-lobian.

HAMALIMON 20:10

Muda markarosuan halak Israel dohot dadaboru ni donganna sabangso, halahi na dua, halaklahi dohot dadaboru i angkon rap mate uhumon.

HAMALIMON 24:17

Sanga ise mamunu halak na asing, angkon mate hona uhum.

ZAKARIA 3:4

Jadi mangkuling ma surusuruan i tu angka pangurupi na di banua ginjang ninna ma, “Ambungkon ma pakean na dursun na nipake ni bayo on.” Jana tu si Josua didok ia ma, “Madung huambungkon sude dosami, lehenonku ma di ho pakean na imbaru.”

MATEUS 14:10

Disuru ia ma halak tu hurungan laho manggotap ulu ni si Johannes.

LUKAS 15:21

Didok ia tu amangnia i, ‘O amang, madung mardosa au adop Debata bope maradopkon damang. Nada tama be didok au anak ni damang.’

LUKAS 18:13

Tapi anggo sitagi pajak i jongjong ma ia mandao-dao jana inda puluk ia mardongak adop langit. Ditompuhi ia andorania i didok ia ma, ‘O ale Debata, ibo ma rohaMu mida au pardosa on!’ ”

BAENON NI ANGKA RASUL 2:37

Jadi dung dibege angka jolma i na songon i, manorusi ma tu ate-ate ni halahi. Dung i disapai halahi ma tu si Petrus dohot tu angka rasul na asing i, “Hamu angka dongan, aha noma sibaenonnami?”

IBRANI 9:26

Harana muda songon i do, gabe marpupu do Ia manaon parkancitan mamungka sian dung ditompa portibi on. Hape anggo satutuna, saonnari di hatiha na giot marujung on, hum sanoli sajo do Ia ro laho manyesa dosa markite-hite na mangalehen diriNa sandiri.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.

1 SAMUEL 15:20

Dialusi si Saul ma, “Madung huoloi na niparentahon ni Tuhan, jana kehe do au hombar tu parsuruNa tu au. Hutaban do si Agag raja ni Amalek i jana madung hubunu sude halak Amalek.

1 SAMUEL 15:30

Dialusi si Saul ma, “Ma mardosa au tutu. Tapi pinomat ma tarpatuduhon ho amang tu au sangap sian ho di jolo ni angka pamimpin ni bangsongku dohot di sude Israel. Rap dohot au ma ho mulak anso laing tarbaen au maribadat tu Tuhan Debatami.”