2 SAMUEL 11:7 - BIBEL JAMITA NA DENGGAN

⁷ Di na ro si Uria mangadop tu si Daud, disapai raja i ma tusia sanga na horas do si Joab dohot pasukan ni Israel, dohot sanga songon dia pardalan ni porang i.

2 SAMUEL 11:7 ပူးပေါင်းရင်းမြစ်များ

PAMUNGKAAN 29:6

“Horas-horas dehe ia?” ning si Jakob mangulahi. “Horas torkis do da ia,” ning halahi mangalusi. “Ligi ma indadu, borunia do i, si Rahel goarna. Na ro maroban hambeng ni amangnia i do ia.”

PAMUNGKAAN 37:14

Ning amangnia i ma, “Kehe ma jolo ho mangaligi angkangmi sanga na horas do halahi dohot hambeng biri-birinta i betak na denggan do; jadi mulak ma ho tuson, paboa tu au sanga na bia do.” Jadi dipakehe ia ma si Josep manadingkon Rura Hebron. Nada sadia honok, lalu ma si Josep tu Sikem.

2 SAMUEL 11:6

Manigor ditongos si Daud ma parenta tu si Joab songon on, “Suru ma si Uria halak Het i, mandapotkon au.” Dung i disuru si Joab ma si Uria mandapotkon si Daud.

HARURUAR 18:7

Jadi kehe ma si Musa mangalo-alo halahi. Manungkap ma ia di jolo ni si Jetro, jana diumma ia ma. Marsisapaan ma halahi sanga na horas torkis be do halahi sude, jadi dung i, masuk ma halahi tu bagasan bandar ni si Musa i.

1 SAMUEL 17:22

Dung i dipasimpankon si Daud ma na niobannia i tu panjago barang-barang ni tentara i jana dilojong ia ma tu galanggang ni porang i laho mandapotkon angka angkangnia i jana disapai ma sanga na horas halahi.