2 SAMUEL 11:21 - BIBEL JAMITA NA DENGGAN

²¹ Na dung lupa dehe hamu na hona bunu si Abimelek anak ni si Gideon i di Tebes? Inda he hara ni na didanggur ni sada anakboru ia dohot batu panggilingan ni topung sian ginjang ni tembok i? Antong, biasi do songon i donokmunu tu tembok i?’ Jadi muda disapai raja i songon i, dokkon ma, ‘Si Uria pe pangawal ni raja i, dohot do mate!’ ”

2 SAMUEL 11:21 ပူးပေါင်းရင်းမြစ်များ

2 SAMUEL 11:17

Jadi di na ruar tentara ni musu i sian kota i mangalo parangan ni si Joab, mate ma sanga na piga-piga halak parangan ni si Daud, dohot muse ma si Uria disi.

2 SAMUEL 11:20

betak muruk raja i jana disapai tu ho, ‘Biasi antong songon i donokmunu tu kota i? Nada he diboto hamu na ingkon do panaon ni musu i hamu sian angka tembokna i?

2 SAMUEL 11:22

Dung i kehe ma na disuru i mandapotkon si Daud paboahon sanga aha na niparentahon ni si Joab i tusia.

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

2 SAMUEL 3:34

“Angkon mate songon halak na bodo ma hape si Abner na so hona tambat tangannia dohot patna pe so sirantean? Na mate hona tiham ma ia dibaen halak na jahat boti na kejam.” Dung i ditangisi rayat i ma si Abner mangulahi.

MASMUR 39:8

Palua ma au sian sude dosangku, ulang padiar au gabe siincahan ni halak na bodo.

JESAYA 14:10

Marsurak ma halahi pio-pio tusia, ‘He! Saonnari songon halahi noma ho, gale jana nada margogo!

HAKIM-HAKIM 6:32

Hara ni na nidok ni si Joas, “Padiar ma Baal sandiri mangalo si Gideon, dibaen madung dirorak ia langgatanna,” jadi sian hatiha i digoari halak ma si Gideon “Jerubaal”.

HAKIM-HAKIM 7:1

Sanoli sogot sajo dope ngot ma si Gideon dohot angka anak buania jana kehe ma halahi marbandar di lambung ni mual ni Batang aek Harod. Di sabola Utara ni halahi do parbandaran ni halak Midian. Di rura na di lambung ni Tor More.