2 SAMUEL 11:16 - BIBEL JAMITA NA DENGGAN

¹⁶ Jadi taran manghobuk kota i si Joab, disuru ia ma si Uria kehe tu inganan na tangkas diboto ia dijago musu i marabis-abis.

2 SAMUEL 11:16 ပူးပေါင်းရင်းမြစ်များ

2 SAMUEL 11:15

Songon on ma suratna i, “Baen ma si Uria di jolo situtu, di parporangan na boratna i, dung i mundur ma ho anso mate ia.”

2 SAMUEL 11:17

Jadi di na ruar tentara ni musu i sian kota i mangalo parangan ni si Joab, mate ma sanga na piga-piga halak parangan ni si Daud, dohot muse ma si Uria disi.

2 SAMUEL 11:21

Na dung lupa dehe hamu na hona bunu si Abimelek anak ni si Gideon i di Tebes? Inda he hara ni na didanggur ni sada anakboru ia dohot batu panggilingan ni topung sian ginjang ni tembok i? Antong, biasi do songon i donokmunu tu tembok i?’ Jadi muda disapai raja i songon i, dokkon ma, ‘Si Uria pe pangawal ni raja i, dohot do mate!’ ”

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

1 RAJA-RAJA 2:5

“Adong sada nari! Tontu diingot ho dope na nibaen ni si Joab tu au di na nibununia dua kapala ni tentara ni Israel, i ma si Abner anak ni si Ner dohot si Amasa anak ni si Jeter. Dibunu ia halahi di hatiha dame, mambaloskon pamunuon na nibaen ni halahi hatiha porang. Dibunu ia do halak na so marsala, gabe au do manaon na hancit hara ni pambaenan ni halahi.

2 RAJA-RAJA 10:6

Dung i ditongos si Jehu ma surat paduahon tu halahi songon on hatana, “Anggo manyabola tu au do hamu jana ra patuluskon angka na huparentahon, bunu hamu ma angka dakdanak ni si Ahab i, jana ancogot songon on tingkina, oban hamu ma angka uluna i tu au.” Rap dohot angka pangituai ni masarakat i do angka anak dohot pahompu ni si Ahab i jana halahi do mamodaisa.

PODA 29:12

Muda diparrohahon na markuaso do barita na so tutu, pagawena pe gabe pargabus do sude.

HOSEA 5:11

Marhancit do Efraim binaen ni uhuman, angke sai manggogo do ia mangihutkon na so marguna.

BAENON NI ANGKA RASUL 5:29

Dialusi si Petrus dohot rasul na asing i ma, “Angkon Debata do ihutkononta, nada jolma.