2 SAMUEL 11:11 - BIBEL JAMITA NA DENGGAN

¹¹ Dialusi si Uria ma, “Marporang dope tentara ni Israel dohot Juda, jana didongani Poti Parjanjian ni Tuhan do halahi; si Joab panglimanami i dohot angka dongannia na marpangkat-pangkat marbandar di padang-padang i do. Patut ma he songon au mulak tu bagas jana mangan, minum lalu modom dohot dadaboruniba? Hara ni hosa ni raja i dohot hosaniba, nada giot baenonku na songon i!”

2 SAMUEL 11:11 ပူးပေါင်းရင်းမြစ်များ

2 SAMUEL 11:10

Dipaboa halak ma i tu si Daud. Jadi gabe disapai ia ma tu si Uria, “Na baru mulak dope ho sian pardalanan na dao, hape biasi nada mulak ho tu bagasmu?”

2 SAMUEL 14:19

Disapai raja i ma, “Si Joab dehe na marsuru ho?” Dialusi anakboru i ma, “Mangasahon hosa ni raja i, nada tarbaen au mangelak sian sapa-sapa ni rajangku. Tutu do i, na dipaboa ni si Joab do tu au sanga aha na angkon baenonku dohot sidokkononku.

2 SAMUEL 20:6

Dung i didok raja i ma tu si Abisai, “Sumusa dope hita baenon ni si Seba ulang pado si Absalom. Antong anggo songon i, oban ma paranganki jana kojar ma si Seba, anso ulang jabat diingani ia angka kota na marbenteng jana malua sian hita.”

2 SAMUEL 7:2

Jadi didok ia ma tu Panurirang Natan, “Ligi ma, anggo au maringanan di bagas godang na sian hayu sampinur Libanon do, hape Poti Parjanjian ni Debata disimpan hum di bagasan bandar sajo do!”

2 SAMUEL 7:6

Mamungka sian na paluahon bangso Israel Au sian Mesir lalu tu saonnari, na so unjung dope Au maringanan di bagasan sada bagas; tapi matua mimbarimbar do jana tinggal di sada bandar.

BILANGAN 32:6

Dialusi si Musa, “Bia, giot tinggal hamu dison? Salangkan angka kahanggimu angkon kehe dope marporang.

JOHANNES 13:14

Jadi muda Au Tuhan dohot Gurumunu mamasu patmunu, hamu pe angkon marsibasuan pat ni donganna ma hamu.

2 TIMOTEUS 2:12

Muda laing sobar hita, angkon laing mamarenta ma hita rap dohot Ia. Muda tatulak Ia, tulahonNia muse ma hita.

1 SAMUEL 1:26

Dung i didok si Hanna ma tu si Eli, “Santabi amang. Diingot amang dope ulaning au? Au do dadaboru na niida ni amang jongjong dison, topet martangiang tu Tuhan.

1 SAMUEL 14:18

“Oban ma efod i tuson,” ning si Saul tu Malim Ahia. (Di jolo ni halak Israel do dioban si Ahia di ari i, efod i.)

1 SAMUEL 17:55

Di na niida ni si Saul kehe si Daud mangalo si Goliat, disapai ia ma tu si Abner, panglima ni tentarania i, “Anak ni ise do tehe Abner, bayo i?” “Nada huboto rajanami,” ning si Abner mangalusi.

1 SAMUEL 20:3

Dialusi si Daud ma, “Diboto amanta do na holong rohamu tu au. Hara ni i do umbaen na so ra ia paboahon na songon i anggo tu ho anso ulang marsak ho. Sanga na bia pe, mangasahon Tuhan Na Mangolu i, tutu do na hudok on: Gincip noma hosangku!”

1 SAMUEL 25:26

Madung diantahi Debata palalu hosom tuan i dohot mamunu angka musu ni tuan i. Jana saonnari ale tuan, husumpahon ma mangasahon Tuhan na mangolu i, sai songon bagian ni angka musu ni tuan i ma dohot bagian ni sude na sai giot mangagohon ngolu ni tuan i ma bagian ni si Nabal.

1 SAMUEL 4:4

Jadi disuru halahi ma halak tu Silo laho mambuat Poti Parjanjian ni Tuhan i na mangwakili habangsa ni Tuhan Na Markuaso i. Anak ni si Eli na dua i ma, si Hofni dohot si Pinehas na mangudurkon Poti Parjanjian i.