2 SAMUEL 10:6 - BIBEL JAMITA NA DENGGAN

⁶ Torang ma diboto halak Amon na dung gabe musu ni halahi si Daud. Jadi diongkos halahi ma dua pulu ribu tentara ni Siria na adong di Bet-Rehob dohot si Zoba songon i muse dua bolas ribu tentara na sian Tob, dohot raja ni tano Maaka rap dohot saribu halak paranganna.

2 SAMUEL 10:6 ပူးပေါင်းရင်းမြစ်များ

PAMUNGKAAN 34:30

Dung i didok si Jakob ma tu si Simeon dohot si Levi, “Dibaen hamu do hasusaan tu au. Saonnari gabe sihagigian ma au di halak Kanaan dohot halak Peris dohot sude pangisi ni luat on. So na sadia halakta; jadi ampot sai saroha halahi sude mangalo au jana manyerang au, harom ma sude hita na sabagas.”

2 SAMUEL 10:5

Tapi ila ma roha ni halahi mulak tu tano ni halahi. Dung dipaboa na masa i tu si Daud, ditonahon ia ma anso dipainte angka utusannia i di jolo ni Jeriko lopus tubu mangulahi janggut ni halahi i.

2 SAMUEL 10:7

Dung tarbege songon i tu si Daud, disuru ia ma si Joab dohot sasude tentarania kehe mangalo halahi.

2 SAMUEL 16:21

Dialusi si Ahitofel ma, “Kehe ma raja i mandapotkon angka rading na nitadingkon ni amang ni raja i manjago bagas godang i, jana rap modom ma dohot halahi. Jadi gabe botoon ni Israel ma sude marhite pangalaho i, na dung dietong ni amanta hamu do musuna raja i. Jadi gabe mur barani ma sude angka na mangihut tu daulat i.”

2 SAMUEL 23:34

Si Elifelet anak ni si Ahasbai halak Maaka; si Eliam anak ni si Ahitofel halak Gilo.

2 SAMUEL 8:12

I ma angka bangso Edom, Moab, Amon, Pilistin dohot Amalek, laing songon i dohot barang rampasan na nibuatnia sian si Hadadeser.

2 SAMUEL 8:3

Dung i muse ditaluhon si Daud ma si Hadadeser anak ni si Rehob na mamarenta di Zoba, i ma sada harajaan di lambung ni Damaskus. Na topet do di ari i di pardalanan si Hadadeser laho pasuangkon kuasonia di luat na di soksok ni Batang aek Efrat.

2 SAMUEL 8:5

Dung i ditongos halak Siria ma tentara sian Damaskus laho mangurupi Raja Hadadeser, tapi talu muse do i jana mate do sian halahi 22.000 halak.

1 RAJA-RAJA 11:24

jana gabe kapala ni garombolan ma ia. (Di hatiha na nitaluhon ni si Daud ma si Hadadeser, jana di na nibununia halak Siria angka dongan ni si Hadadeser, disi ma parlarinia.) Kehe ma si Reson dohot angka parangannia i tu Damaskus, disi ma ia maringanan. Laing disi ma diangkat angka parangannia i ia gabe raja Siria.

2 RAJA-RAJA 7:6

Harana madung dibaen Tuhan halahi palingo-lingoon songon na umbege sora ni porang ni sada parangan nabahat, na markudo dohot na markareta. Jadi diambang halahi ma na diupai ni raja Israel, raja ni Het dohot Mesir dohot tentarana i laho mamorangi halahi.

MASMUR 48:4

Ligi bo, marlagut do angka raja, ro halahi tu Dolok Sion laho mangaroro.

HARURUAR 5:21

Ninna angka mandur i ma, “Madung diida Debata pambaenanmunu jana uhumonNia ma hamu, angke hara ni hamu do bonsirna gabe magigi raja i dohot angka parpangkat mida hami. Madung dilehen hamu alasan tu halahi, dalan laho mamunu hami.”

PODA 25:8

Ulang iba mopop maroban parkaro tu pangadilan; harana, muda tardapot do iba muse sala aha dope he na bolas baenonniba?

JEREMIA 40:8

Jadi kehe ma si Ismael anak ni si Netanya, si Johanan anak ni si Kareah, si Seraya anak ni si Tanhumet, dohot angka anak ni si Efai na sian Netofa, dohot si Jesanya na sian Maaka kehe rap dohot angka halakna be mandapotkon si Gedalya di Mispa.

JEREMIA 46:21

Angke tentara na niongkosanna pe so adong geldokna; tudos tu anak ni lombu na mamokmoktu. Nada lobas halahi martahan. Marbalik be sude marsipalua dirina be. Madung dapot ari paruhuman tu halahi; madung dapot hatihana dondonan ni mara halahi.

PANGARATAION 3:14

Si Jair na sian Marga Manase, mambuat sude Luat Argob, i ma Basan lopus tu parbalohan ni Gesur dohot Maaka. Dibaen ia ma goar ni angka huta i mangihutkon goarnia sandiri, jana lopus saonnari laing tarbarita do i angka huta ni si Jair.)

HAKIM-HAKIM 11:3

Jadi gabe lari ma si Jefta sian kahangginia i lalu kehe ia maringanan di Tano Tob. Margabung ma ia disi dohot sada garombolan ni parjahat lalu kehe ma halahi manyamun.

HAKIM-HAKIM 11:5

Di na tarjadi songon i, kehe ma angka hatobangon ni Israel na di Gilead marpio si Jefta sian Tano Tob.

HAKIM-HAKIM 18:28

Nanggo adong sahalak pe na mangurupi halahi harana dao do Lais sian Sidon, jala nanggo adong pardomuan ni halahi dohot bangso na asing. Dipature halak Dan i ma muse kota i jala maringanan ma halahi disi.

1 SAMUEL 13:4

Dipabotohon ma tu sandok bangso Israel bahaso na dung dibunu si Saul panglima ni Pilistin dohot na goyak sajo roha ni halak Pilistin di halak Israel. Jadi gabe dioloi rayat i ma pio-pio i laho mardomu rap dohot si Saul di Gilgal.

1 SAMUEL 27:12

Tapi pos do roha ni si Akhis di si Daud jana didok ia di bagasan rohania, “Songon i ma antong santakna goyak ni roha ni bangsonia sandiri tusia, lopus tarpaksa gabe naposongku ia sapanjang di ngolunia.”