2 SAMUEL 10:18 - BIBEL JAMITA NA DENGGAN

¹⁸ Tapi ditaluhon halak Israel ma tentara ni Siria i. Dibunu si Daud dohot anak buania ma pitu ratus parkareta porang, dohot opat pulu ribu tentara parkudo; asing ni i, banga do bugang ni si Sobah panglima ni tentara ni musu i lopus mate di galanggang ni parporangan i.

2 SAMUEL 10:18 ပူးပေါင်းရင်းမြစ်များ

2 SAMUEL 10:17

Umbege na masa i, manigor dipalagut si Daud ma sude tentara ni Israel, lalu ditaripari halahi ma Batang aek Jordan, dung i maju torus tu Helam. Disi ma diatur halak Siria barisanna lalu maju ma halahi mangalo si Daud.

2 SAMUEL 8:4

Ditaban si Daud do tentara ni si Hadadeser 1.700 halak na markudo, 20.000 halak pardalan pat. Ditadingkon si Daud ma kudo i tuk tu saratus kareta jana lobina i dipatengka ia patna i.

1 RAJA-RAJA 11:24

jana gabe kapala ni garombolan ma ia. (Di hatiha na nitaluhon ni si Daud ma si Hadadeser, jana di na nibununia halak Siria angka dongan ni si Hadadeser, disi ma parlarinia.) Kehe ma si Reson dohot angka parangannia i tu Damaskus, disi ma ia maringanan. Laing disi ma diangkat angka parangannia i ia gabe raja Siria.

1 JUJUR TAON 19:18

jana dibasbas tentara Israel i ma tentara Siria i lopus mundur. Dimatehon si Daud dohot pasukannia i ma 7.000 halak parkareta porang dohot tentara pardalan pat ni Siria 40.000 halak. Laing hona bunu do si Sofak panglima ni Siria i.

MASMUR 18:38

Hutombomkon halahi lopus nada tolapsa jongjong, di jolo ni patku tinggang halahi.

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 68:2

Mago ma halahi songon timus ni api. Songon lilin na malala di bagasan api, lintop ma parjahat sian adopan ni Debata.

HAKIM-HAKIM 4:2

Gabe dipadiar Tuhan halahi talu dibaen si Jabin raja ni Kanaan na maringanan di kota Hasor. Si Sisera na maringanan di Haroset-Hagoyim do panglima ni tentara i.

HAKIM-HAKIM 4:22

Di na ro si Barak manjalahi si Sisera, ro ma si Jael mangalo-alo si Barak jana didok ia ma tusia, “Beta ma anso hupatuduhon tu ho halak na nijalahanmi.” Masuk ma si Barak dohot si Jael, diida ia ma madung mate si Sisera, gampalang di tano, pantik susuk-susuk ni bandar i di parsontinganna i.

HAKIM-HAKIM 5:26

Dohot pantik-pantik bope di tanganna bosi potuk-potuk dipaku si Jael si Sisera lopus ulu i malantuk.