2 SAMUEL 1:9 - BIBEL JAMITA NA DENGGAN

⁹ Dung i didok ia ma tu au, ‘Ro ma tuson, jana bunu ma au! Mabugang do au banga jana mate ne ma au.’

2 SAMUEL 1:9 ပူးပေါင်းရင်းမြစ်များ

2 SAMUEL 1:10

Dung i ro ma au mandapotkon ia, jana hubunu, angke huboto do, muda tinggang ia angkon na laing mate. Dung i hubuat ma tuku sian ulunia dohot golang sian tangannia, jana huoban tuson tu tuanku.”

2 SAMUEL 1:8

Disapai ia ma sanga ise au, jana hupaboa ma tusia anggo au halak Amalek do.

1 JUJUR TAON 10:4

Jadi didok si Saul ma tu doli-doli na maroban sinjatania i, “Sintak ma podangmi! Tiham ma au! Ulang jabat dipargonjak-gonjakkon halak kapir i au.” Tapi nada ra doli-doli i mambaen songon i hara ni biarnia, jadi dibuat si Saul sandiri ma podangnia i, ditinggangkon ia ma dirina tu podang i.

HALUMBAAN 9:6

Anggo na lima bulan i maradu mate ma nian giot ni jolma i, hape nada tarbaen halahi mate; por roha ni halahi nian anso mate, hape dao do hamatean i sian halahi.

HAKIM-HAKIM 9:54

Diompoti si Abimelek ma mamiohon doli-doli na mamorsan sinjatania i jana didok ia ma, “Sintak ma podangmi jana bunu ma au; nada ra au muda adong na mandok bahaso na dibunu ni dadaboru au.” Gabe ditiham doli-doli i ma ia lopus mate.

1 SAMUEL 31:4

Dung i didok si Saul ma tu doli-doli na maroban sinjatania, “Sintak ma podangmi jana tiham ma au, anso ulang be dipaloja dohot dibunu angka halak kapir i au.” Tapi nada ra doli-doli i mambaen songon i, angke mabiar situtu do ia. Jadi gabe dibuat si Saul ma podangnia sandiri jana dionyakkon ia ma dirinia tu ginjangna i.