2 SAMUEL 1:8 - BIBEL JAMITA NA DENGGAN

⁸ Disapai ia ma sanga ise au, jana hupaboa ma tusia anggo au halak Amalek do.

2 SAMUEL 1:8 ပူးပေါင်းရင်းမြစ်များ

PAMUNGKAAN 14:7

Dung i mulak ma angka na mangkojar i jana mangulahi ma halahi tu Kades (na margoar En Mispat di hatiha i), ditaluhon halahi ma sude tano Amalek bope halak Amori na mangingani Hasason Tamar pe ditaluhon halahi ma.

2 SAMUEL 1:13

Dung i disapai si Daud ma doli-doli na maroban barita i, “Sian dia hutamu?” Alusnia, “Halak Amalek do anggo au, tapi na mangaranto do au di tano ni tuanku.”

2 SAMUEL 1:7

Dung i manaili ma ia tu pudi jana diida ia ma au, jana dipiohon ia ma au, jana hualusi ma, ‘Olo tuannami.’

2 SAMUEL 1:9

Dung i didok ia ma tu au, ‘Ro ma tuson, jana bunu ma au! Mabugang do au banga jana mate ne ma au.’

BILANGAN 24:20

Dung i hatiha marbuka parnidaan ni si Bileam diida ia ma halak Amalek, dung i didok ia ma ulpuhannia songon on, “Sian sude bangso di tano on, Amalek do na gumodang hakuasoon. Tapi bangso on pe di ujungna, angkon mago muse sapanjangna.”

1 SAMUEL 15:3

Antong, kehe ma ho jana porangi ma halak Amalek i jana segohon ma sandok arta ni halahi. Ulang adong tadingkon sanga na aha pe; bunu sude halaklahi, dadaboru, dakdanak dohot na baru sorang; lombu, biri-biri, unto dohot halode.”

1 SAMUEL 27:8

Di hatiha i, na jotjotan do si Daud dohot parangannia mamorangi halak Gesur, halak Girsi dohot halak Amalek na maringanan di luat i. Diroro ia do tu tano ni halahi lalu tu Sur, sapanjang dalan tu Mesir,

1 SAMUEL 30:1

Dung dua ari, mulak ma si Daud dohot parangannia i tu Ziklag. Dung lalu disi, didapot halahi ma na dung mangaroro halak Amalek tu Juda Selatan dohot mamorangi Ziklag.

1 SAMUEL 30:13

Dung i disapai si Daud ma tusia, “Ise do tuanmu jana na sian dia do ho?” Dialusi dakdanak i ma, “Anggo au halak Mesir do, hatoban ni halak Amalek. Na ditadingkon ni tuanku do au tolu ari na salpu hara ni na marnyae au.

1 SAMUEL 30:17

Di na laho torang ari ancogotna i, diroro si Daud ma halahi jana marporang ma lopus borngin. Asing ni siopat ratus halak doli-doli na maporus mangalombut unto, sahalak pe nada adong na malua musu i.