2 SAMUEL 1:20 - BIBEL JAMITA NA DENGGAN

²⁰ Ulang nian habotoan i di angka halak na di Gat. Sai ulang habegean di angka banjar na di Askelon barita i. Ulang jabat dadaboru ni Pilistin marsurahi Ulang sanga angka boru ni na so marsunat marsurak manggorai.

2 SAMUEL 1:20 ပူးပေါင်းရင်းမြစ်များ

JEHESKIEL 16:27

Saonnari ligi ma, uhumanKu ma ho jana buatonKu pasupasu na dung Hulehen humani tu ho. Hupasahat ho tu halak Pilistin na manghosomi ho jana na magigi mida pangalahomu na jat i.

JEHESKIEL 16:57

jana dompak so habotoan dope hajahatanmu? Anggo saonnari sarupa do ho dohot ia; sipartataan ni halak Edom noma ho, halak Pilistin dohot angka hombar balokmu na asing i na margoyak ni roha mida ho.

MIKA 1:10

Ulang paboa-boa hamu hataluonmunu i tu musumunu di Gat; ulang padiar hamu diida halahi tangis hamu. Ale hamu halak Bet-Le-Afra, margiling ma hamu di abuan tanda ni pandelean!

HAKIM-HAKIM 11:34

Di na mulak si Jefta tu Mispa, ro ma borunia mangalo-alo ia manortor lalu mamake rapano. Sasada i do dakdanaknia.

HAKIM-HAKIM 14:19

Dung i tompu ma si Simson gabe gogo dibaen kuaso ni Tuhan, lalu kehe ma ia tu Askelon. Dibunu ia ma disi tolu pulu halak bayo na marpakean na jeges-jeges, lalu dibuat ia ma pakeanna i lalu dilehen ia tu sitolu pulu halak na mangalusi huling-kulingannia i. Dung i, mulak ma ia tu bagasnia di bagasan roha na dokdok.

1 SAMUEL 14:6

Jadi didok si Jonatan ma tu doli-doli i, “Beta tu benteng ni Pilistin kapir i. Betak na tolongan ni Tuhan do hita. Angke tarlehen Tuhan do hamonangan, marhite bahat halak bope marhite na saotik halak.”

1 SAMUEL 17:26

Dung i marsapa ma ia tu angka halak na jongjong donok tusia, “Aha ma he upa sijagiton ni halak na mamunu halak Pilistin i dohot na manyesa habilean sian Israel?” Ise do lakna halak Pilistin si pelebegu on na barani mangalapi tentara ni Debata na mangolu i.

1 SAMUEL 17:36

Na dung hubunu do singa sanga pe gompul, jana sarupa ma bagian ni halak Pilistin si pelebegu i songon angka binatang i, dibaen na dung barani ia mangalo-alo tu tentara ni Debata na mangolu i.

1 SAMUEL 18:6

Di na mulak si Daud dung ditaluhon ia si Goliat halak Pilistin i, marbaris ma angka parangan i masuk tu bagasan kota, ruar ma angka dadaboru sian sude kota ni Israel laho mangalo-alo Raja Saul. Marende-ende na riang ma halahi jana manortori mamalu rapano dohot hasapi.

1 SAMUEL 31:4

Dung i didok si Saul ma tu doli-doli na maroban sinjatania, “Sintak ma podangmi jana tiham ma au, anso ulang be dipaloja dohot dibunu angka halak kapir i au.” Tapi nada ra doli-doli i mambaen songon i, angke mabiar situtu do ia. Jadi gabe dibuat si Saul ma podangnia sandiri jana dionyakkon ia ma dirinia tu ginjangna i.

1 SAMUEL 6:17

Marhite na songon i madung ditongos halak Pilistin haul panobus dosa tu Tuhan di halak na mangingani kota na lima na niparenta ni raja Pilistin na lima i. I ma angka kota: Asdod, Gasa, Askelon, Gat dohot Ekron.