2 SAMUEL 1:16 - BIBEL JAMITA NA DENGGAN

¹⁶ Didok si Daud ma tu doli-doli ni Amalek i, “Didabuhon ho do uhuman mate tu ho sandiri di na niokumu bahaso ho mamunu halak na nipili ni Tuhan i gabe raja.”

2 SAMUEL 1:16 ပူးပေါင်းရင်းမြစ်များ

2 SAMUEL 1:10

Dung i ro ma au mandapotkon ia, jana hubunu, angke huboto do, muda tinggang ia angkon na laing mate. Dung i hubuat ma tuku sian ulunia dohot golang sian tangannia, jana huoban tuson tu tuanku.”

2 SAMUEL 16:8

Dibuat ho ma antong harajaan ni si Saul. Na dilehen Tuhan do harajaanmi tu anakmu si Absalom. Saonnari pe anso mago ho, pambunu!”

1 RAJA-RAJA 2:37

Muda puluk dope ho haruar jana disalpui ho anak ni Batang aek Kidron, angkon bunuon ho, harana hasalaanmu do i.”

JOB 15:6

Nada porlu hutuhas ho sanga na hupasala, angke niaduhon ho hara ni angka hatamu sandiri do.

PODA 6:2

Jana betak na dung tarjorat ho hara ni angka hatamu jana tardapot hara ni janjimu sandiri.

JEHESKIEL 18:13

Painjamkon pe ia angkon marbunga. Mangolu ma he giot ni jolma na songon i? Nada! Dibaen ia do sude parbuatan hagigian i, jana na giot mate do i! Jana parbuatanna sandiri do mambaen hamateannia.

JEHESKIEL 33:5

Dibege ia do sora ni sarune i, tapi nada ra ia dipasingot, mate ma ia hara ni salania sandiri. Muda ditangihon ia do sipasingot i, malua ma hosana.

HAMALIMON 20:16

Sanga ise dadaboru na markarosuan dohot binatang, angkon uhumon do ia dohot binatang i. Hamamate ni halahi, i ma hara ni sala ni halahi sandiri.

HAMALIMON 20:27

Ganop halaklahi sanga dadaboru na mambaen pardomuan dohot tondi ni angka na mate, angkon dangguran dohot batu lopus mate. Hamamate ni halak na mambaen songon i, hara ni hasalaan ni halahi sandiri do i.”

HAMALIMON 20:9

Dilehen Tuhan dope deba nari angka aturan na mangihut muse, “Sanga ise na mamurai amana sanga inana, angkon mate uhumon. Hamamatenia i, i ma hara ni salania sandiri.

MATEUS 27:25

Dialusi halak na bahat i ma sude, “Padiar ma manginona tu hami dohot tu pomparannami mudarna i!”

LUKAS 19:22

Didok raja i ma tusia, ‘Naposo na jahat do ho! Hombar tu hata na nipardokkonanmi, uhumanku ma ho. Diboto ho do antong parmuruk au; hubuati do angka na so au puna jana husabi angka na so jongada husuan.

BAENON NI ANGKA RASUL 18:6

Tapi hara ni na sai torus dialo angka jolma i boti sai mangincahi halahi, gabe dipaspaskon si Paulus ma abuan na di pakeannia i adop halahi, gabe songon tanda laho paingotkon hasalaan ni halahi sandiri. Didok ia ma, “Muda gabe mago hamu, salamunu sandiri noma i! Nada ahana be i di au! Olat ni on, tu bangso na so Jahudi noma au kehe.”

BAENON NI ANGKA RASUL 20:26

Jadi hara ni i, torang ma hudok tu hamu sadari on, muda laing adong sian hamu na mago sanoli on, nada au be na sala disi.

SURAT NI SI PAULUS TU PARLAGUTAN ROM 3:19

Tapi taboto do sude na tarsurat di Buku Tona dilehen do tu halahi na mangolu di toru ni Tona, anso nada adong sanga na ise be marsidalian jana sude portibi on hona uhuman ni Debata.

PANGARATAION 19:10

Patulus hamu ma on anso ulang mardosa hamu hara ni na mandabu uhum hamatean tu halak na so marsala di tano na giot silehenon ni Tuhan tu hamu.

JOSUA 2:19

Muda adong sada halahi na haruar sian bagas on lalu mate, salana sandiri do hamateanna i, nada tanggung jawabnami be i. Tapi muda adong halak na di bagasan bagas on na mabugang, hami do na martanggung jawab disi.

HAKIM-HAKIM 9:24

Tarjadi pe pangalaho on, anso marbalos do hajahatan ni si Abimelek dohot angka halak Sikem na manjajang ia anso mambunu angka anak ni si Gideon na pitu pulu halak i.

1 SAMUEL 25:39

Dung tarbege tu si Daud na dung jumolo si Nabal, didok ia ma, “Nipuji ma Tuhan! Madung dibaloskon Ia habilean na nibaen ni si Nabal tu au, jana diantahi Ia naposona on mambaen hajahatan. Madung diuhum Tuhan si Nabal hara ni hajahatannia i.” Dung i disuru si Daud ma suruannia tu si Abigail laho manyapaisa gabe dadaborunia.

1 SAMUEL 26:9

Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.