2 SAMUEL 1:14 - BIBEL JAMITA NA DENGGAN

¹⁴ Didok si Daud ma, “Na puluk ma ho antong mamunu raja na nipili ni Tuhan!”

2 SAMUEL 1:14 ပူးပေါင်းရင်းမြစ်များ

MASMUR 105:15

“Ulang ganggu hamu bangso pilianKu, ulang hahua hamu angka panurirangKu!”

ANDUNG 4:20

Ditangkup halahi raja na nitodo ni Tuhan i, i ma halak na sai hami pangasahon i na mangalehen hangoluan jana maradopkon musu songon pangondian.

BILANGAN 12:8

Jadi mangkatai Au dohot ia paadop-adop bohi be, tangkas nada markuling-kulingan. Salang tompangKu pe madung diida ia! Biasi puluk dope hamu mangalo ia?”

2 PETRUS 2:10

lumobi ma i angka jolma na mangoloi angka hagiot na pahodarkon dirina, jana mangincahi harajaan ni Tuhan i. Puluk-puluk do angka guru pargabus i jana ginjang-ginjang do roha ni halahi; nada pola alang roha ni halahi mangalayasi Na Sangap i.

1 SAMUEL 10:1

Dung i dibuat si Samuel ma tanduk na marisi miak zetun, lalu diduruskon ia ma i tu ulu ni si Saul jana diumma ia si Saul lalu didok ia, “Madung dipabangkit Tuhan ho gabe raja ni bangsoNa Israel. Parentaonmu ma bangsoNa i jana ondihononmu halahi maradopkon angka musu ni halahi.” On ma tandana di ho, paboa na dung dipili ni Tuhan ho gabe raja di bangsoNia:

1 SAMUEL 12:3

Saonnari jongjong au di jolomunu! Ampot adong hasalaan na hubaen, tudu hamu ma au di adopan ni Tuhan dohot di jolo ni raja na nipiliNia i. Jungada dehe au mambuat lombu sanga halode ni halak na asing? Unjung dehe au manipu sanga mamparkanciti sanga manjagit hepeng sogok? Dokkon hamu ma, anso hupaulak sanga aha na hubuat i.”

1 SAMUEL 24:11

Saonnari diida raja i sandiri ma nangkin di bagasan liang i madung dipasahat Tuhan raja i tu au. Na dung dielek-elek do au laho mamunu raja i tapi nada ra au. Hualusi do, na so ra au mamparkanciti rajangku na nipili ni Tuhan.

1 SAMUEL 24:6

Tapi dung salpu, songon na sala do tu pangkilalaannia dung dibaen ia songon i.

1 SAMUEL 24:7

Didok ia ma tu parangannia i, “Sai Tuhan ma manjagohon ulang jabat tarbaen au na jahat maradopkon rajangku na nipili ni Tuhan i. Saotik pe na so tola do parkancitanku ia, dibaen raja na nitodo ni Tuhan do ia!”

1 SAMUEL 26:11

Sai diantahi Tuhan ma nian au mamunu raja na nipili ni Tuhan i! Tombakna i ma dohot gendina i buat, anso kehe hita!”

1 SAMUEL 26:9

Tapi didok si Daud ma, “Ulang hahua ia! Pasti do hona uhum baenon ni Tuhan halak na mambaen jahat tu raja na nipiliNia.

1 SAMUEL 31:4

Dung i didok si Saul ma tu doli-doli na maroban sinjatania, “Sintak ma podangmi jana tiham ma au, anso ulang be dipaloja dohot dibunu angka halak kapir i au.” Tapi nada ra doli-doli i mambaen songon i, angke mabiar situtu do ia. Jadi gabe dibuat si Saul ma podangnia sandiri jana dionyakkon ia ma dirinia tu ginjangna i.