2 SAMUEL 1:10 - BIBEL JAMITA NA DENGGAN

¹⁰ Dung i ro ma au mandapotkon ia, jana hubunu, angke huboto do, muda tinggang ia angkon na laing mate. Dung i hubuat ma tuku sian ulunia dohot golang sian tangannia, jana huoban tuson tu tuanku.”

2 SAMUEL 1:10 ပူးပေါင်းရင်းမြစ်များ

2 SAMUEL 1:16

Didok si Daud ma tu doli-doli ni Amalek i, “Didabuhon ho do uhuman mate tu ho sandiri di na niokumu bahaso ho mamunu halak na nipili ni Tuhan i gabe raja.”

2 SAMUEL 1:9

Dung i didok ia ma tu au, ‘Ro ma tuson, jana bunu ma au! Mabugang do au banga jana mate ne ma au.’

2 SAMUEL 12:30

Dibuat si Daud ma tuku sian ulu ni raja ni halahi i jana dibaen ia ma tu ulunia sandiri. Adong do hira-hira 35 kilo borat ni tuku i na marsusun batu intan na jeges-jeges. Dioban si Daud muse dope bahat sajo barang na hona rampas sian kota i.

2 RAJA-RAJA 11:12

Dung i dioban si Joyada ma si Joas tu ruar, mamake tuku di uluna i, jana dilehen ia tu si Joas tona ni Debata. Diangkat ma si Joas gabe raja jana dibaen ma boa-boana tu rayat. Martopapi ma rayat jana marsurahi, “Horas ma di raja i!”

ANDUNG 5:16

Madung madabu tuku sian ulunami, ma pola mago hami hara ni na mardosa.

MATEUS 7:2

Harana songon uhum na niuhumkonmunu, songon i do niuhuman hamu muse; jana parsuhatan na nisuhatkonmunu i do niparsuhatkon tu hamu muse.

HAKIM-HAKIM 1:7

Didok si Adoni-Besek, “Najolo madung hugotap inang ni jari ni pat dohot tangan ni pitu pulu raja, jana hupadiar halahi mangan sian teba-teba ni sipanganon na madabu sian mejangku. Saonnari dibaen Debata ma tu au dos songon na hubaen tu halahi.” Dioban do muse si Adoni-Besek on tu Jerusalem jana disi ma marujung ngolunia.

HAKIM-HAKIM 9:54

Diompoti si Abimelek ma mamiohon doli-doli na mamorsan sinjatania i jana didok ia ma, “Sintak ma podangmi jana bunu ma au; nada ra au muda adong na mandok bahaso na dibunu ni dadaboru au.” Gabe ditiham doli-doli i ma ia lopus mate.

1 SAMUEL 22:18

Jadi gabe didok si Saul ma tu si Doeg, “Aha dope, ho sajo ma mamunu halahi!” Jadi ro ma si Doeg lalu dibunu ia ma angka malim i. Di na sadari i dimatehon ia ma salapan pulu lima halak malim na marhak maroban Efod.