2 PETRUS 3:2 - BIBEL JAMITA NA DENGGAN

² Husosoi hamu anso diingot hamu mangulahi angka hata na nidok ni angka panurirang ni Debata nahinan, dohot parenta ni Tuhan, Kristus na nipasahat tu hamu markite-hite angka rasul.

2 PETRUS 3:2 ပူးပေါင်းရင်းမြစ်များ

LUKAS 1:70

Songon na dung dihatahonNia narobi markite-hite angka panurirang na nipiliNia,

LUKAS 24:27

Dung i dipatorang Jesus ma tu halahi sanga aha na nidok taringot tuSia di bagasan Buku Na Badia i, mamungka sian Buku Ni si Musa lopus tu buku-buku ni angka panurirang.

LUKAS 24:44

Dung i mandok hata ma Ia tu halahi ning Ia ma, “Angka on ma na Hupaboa hian di hamu, dompak rap dope Au dohot hamu, angkon tarjadi do sudena sanga aha na tarsurat taringot tu Au di angka Buku Ni si Musa dohot buku ni angka panurirang dohot Masmur i.”

BAENON NI ANGKA RASUL 10:43

Sude do angka panurirang manaringoti Ia. Didok halahi, dapotan hasesaan ni dosa do sudena halak na porsaya tu Jesus, markite-hite goarNia.”

BAENON NI ANGKA RASUL 28:23

Jadi ditontuhon halahi ma sada ari parsuoan ni halahi dohot si Paulus. Bahat do halak marroan tu inganan ni si Paulus di ari i. Sian manyogot lalu tu potang dipajojor jana dijamitahon si Paulus ma tu halahi barita taringot tu Harajaan Ni Debata. Didokkoni si Paulus ma angka ayat sian Buku Ni si Musa bope Buku Ni angka Panurirang anso dihaporsayai halahi nian Jesus.

BAENON NI ANGKA RASUL 3:18

Jana hara ni i ma umbaen na laing tarjadi sanga aha na dung dipabotohon Debata markite-hite angka panurirangNia, paboa na angkon manaon parkancitan do hape Kristus i.

BAENON NI ANGKA RASUL 3:21

Laing di banua ginjang do Ia lopus dipaimbaru Debata sasudena songon na nidok ni Debata markite-hite angka panurirangNia na badia di hatiha na robi.

GALATIA 6:2

Marsiurupan ma hamu mamorsan boban na dokdok i, songon i ma baen hamu patuluskon parenta ni Kristus i.

EPESUS 2:20

Hamu pe di ginjang ni ojahan na nipayakkon ni angka rasul dohot angka panurirang do hamu dipajongjong, jana Jesus Kristus ma baen batu parsuhi.

EPESUS 3:5

Anggo najolo na so unjung do dipaboa-boa rahasia i tu jolma, tapi anggo saonnari madung dipatangkas Tondi i tu angka rasul bope tu angka panurirangNia na badia i.

1 TIMOTEUS 6:14

Patulus ma sude na hutonahon i tu ho sian roha na ias jana ulang targora, lopus tu haroro ni Tuhanta Jesus Kristus mangulahi.

2 PETRUS 2:21

Na gumonan hian do indangkon jungada ditanda angka jolma na songon i dalan na tigor na sian Debata i, ulang pado ditanda halahi hape dung salpu i nada ra halahi mangoloi angka parenta na nilehen ni Debata tu halahi.

2 PETRUS 3:15

Etong hamu ma hasobaron ni Tuhanta i na mangalehen dalan tu hita anso dohot hita malua. Taringot tusi pe, nada he madung dibaen si Paulus surat tu hamu? Mardongan habisuhon na nilehen ni Debata do dibaen ia surat i.

2 PETRUS 3:16

Di sude suratnia i, sai dipaboa si Paulus do taringot tusi. Tutu nian, adong do piga-piga pangalaho na maol astuan di bagasan suratnia i. Jana angka halak na so togu haporsayaanna dohot na so angarti di surat ni si Paulus i, gabe dipabalik-balik halahi do na nisuratkon ni si Paulus i. Deba sian na tarsurat di Buku Na Badia i laing songon i do dibaen halahi. Pangalaho ni halahi do mambaen mago halahi.

1 JOHANNES 4:6

Sian Debata do haroronami; barang ise mananda Debata, tangihononna do hami. Barang ise na so sian Debata, nada tangihononna hami. Sian i do tatanda Tondi hasintongan dohot tondi na paliluhon.

JUDAS 1:17

Tapi anggo hamu ale dongan na nihaholongan, ingot hamu ma sanga aha na nidok ni angka rasul ni Tuhanta Jesus Kristus hian najolo.

HALUMBAAN 19:10

Tungkap ma au di jolo ni surusuruan i giot marsomba tusia, tapi ning ia ma mandok tu au, “Ulang! Ulang pola marsomba ho tu au, Debata ma somba! Harana au pe laing naposo do songon ho jana sarupa dohot angka donganmu na marhasaksian taringot tu Jesus.” Somba ma Debata, angke anggo hasaksian taringot tu Jesus, i ma tondi hasurirangon.